Union Mutual Fund | अॅसेट मॅनेजमेंट कंपनी युनियन एएमसीने नवीन फंड ऑफर (एनएफओ) आणली आहे. युनियन रिटायरमेंट फंड म्हणून सुरू करण्यात येत असलेली फंड ऑफर (एनएफओ) १ सप्टेंबर २०२२ रोजी सबस्क्रिप्शनसाठी उघडेल आणि १५ सप्टेंबरला बंद होईल. हा फंड ओपन एंडेड रिटायरमेंट सोल्यूशन आहे, जो तुमची रिटायरमेंट फायनान्शियल गोल्स पूर्ण करण्यासाठी उपयुक्त ठरू शकतो.
किमान 1000 रुपयांची गुंतवणुक :
या नव्या ऑफरअंतर्गत किमान 1000 रुपयांच्या गुंतवणुकीतून युनियन रिटायरमेंट फंड सुरू करता येणार आहे. ५ वर्षांचा लॉक-इन कालावधी किंवा निवृत्तीच्या वयात, यापैकी जे आधी असेल, तो हा एक निश्चित मुदतीचा फंड आहे. या सोल्यूशन ओरिएंटेड फंडाची रचना अशा प्रकारे करण्यात आली आहे की, तुमच्या रिटायरमेंट फंडानंतर ठरवलेले टार्गेट तुम्ही पूर्ण करू शकाल. लॉक-इन पिरियडमुळे मधल्या काळात किंवा निवृत्तीपूर्वी या फंडातून बाहेर पडता येत नाही.
इक्विटी आणि डेट या दोन्ही पर्यायांमध्ये गुंतवणूक :
या फंडाच्या माध्यमातून इक्विटी आणि डेट या दोन्ही पर्यायांमध्ये गुंतवणूक केली जाणार आहे. इक्विटीमध्ये किमान ६५ टक्क्यांपासून कमाल १०० टक्क्यांपर्यंत गुंतवणूक करण्याचा पर्याय आहे. तर डेट आणि मनी मार्केट इन्स्ट्रुमेंट्समध्ये गुंतवणुकीची कमाल मर्यादा ३५ टक्क्यांपर्यंत ठेवण्यात आली आहे. साहजिकच इक्विटीतील गुंतवणूक जेवढी जास्त तेवढी परतावा आणि जोखीम या दोन्हीची शक्यता अधिक असते. म्हणजेच तुम्ही तुमच्या फंडातील १०० टक्के भाग इक्विटीमध्ये गुंतवलात, तर तुम्हाला अधिक परतावा मिळू शकेल, पण त्याचबरोबर बाजारातील चढउतारांचा तुमच्या गुंतवणुकीवर होणारा परिणामही तितकाच जास्त असेल.
नव्या फंडाचे वाटप २२ सप्टेंबर २०२२ रोजी करण्यात येणार आहे. यानंतर 29 सप्टेंबर 2022 रोजी गुंतवणुकीची ऑफर पुन्हा सुरू होईल. हा नवीन फंड एस अँड पी बीएसई ५०० इंडेक्स (ट्राय) वर बेंचमार्क करण्यात आला आहे. या निधीचे व्यवस्थापन विनय पहाडिया व संजय बेंबळकर करणार आहेत. युनियन एएमसीचे मुख्य कार्यकारी अधिकारी (सीईओ) प्रदीप कुमार म्हणाले की, युनियन रिटायरमेंट ही केवळ एक नवीन फंड ऑफर नाही. खरे तर, ज्या गुंतवणूकदारांना निवृत्तीचे उद्दिष्ट पूर्ण करण्यासाठी योग्य नियोजन करून आपली बचत गुंतवायची आहे, त्यांच्यासाठी ही सुरुवात आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
