राफेल करारातील घोटाळ्याबाबत भाष्य करणाऱ्या काँग्रेस नेत्याला अनिल अंबानी समुहाकडून नोटीस

नवी दिल्ली : बहुचर्चित राफेल करारातील घोटाळ्याबाबत भाष्य करणारे काँग्रेस नेते तसेच काँग्रेसचे प्रवक्ते जयवीर शेरगिल यांना अनिल धीरुभाई अंबानी समुहाने कायदेशीर नोटीस पाठवली आहे. त्यामुळे अनिल अंबानी समूह सुद्धा काँग्रेसवर दबाव टाकण्याचा प्रयत्न करत आहे का असा प्रश्न विचारलं जाऊ लागला आहे.

या नोटीस मध्ये अनिल अंबानी यांच्या उद्योग समूहाने म्हटलं आहे की, ‘नेता म्हणून तुम्ही राजकीय मुद्द्यांवर भाष्य करु शकता. वादविवाद किंवा चर्चासत्रात तुमचे मत मांडू शकता. तुमच्या अभिव्यक्ती स्वातंत्र्याची गळचेपी करण्याचा आमचा प्रयत्न नाही’. विशेष म्हणजे पंतप्रधान नरेंद्र मोदी यांची राफेल करारावरुन काँग्रेसच्या वरिष्ठ पातळीवर व्यूहरचना आखली जात असल्याचे ध्यानात येताच हे घडल्याने अनेक प्रश्न उपस्थित केले जाऊ लागले आहेत.

त्यासाठी काँग्रेसने अशोक चव्हाण, रणदीप सुरजेवाला, संजय निरुपम, डॉ. अभिषेक मनू सिंघवी अशी टीम राफेल करारातील भ्रष्टाचारावर भाष्य करण्यासाठी उभी केली आहे. परंतु अनिल अंबानी यांच्या समूहाकडून राफेल कराराबाबाबत निराधार, खोटे आणि बदनामी करणारे विधान केल्यास कायदेशीर कारवाई केली जाईल, असा थेट इशाराच काँग्रेसला दिला आहे.

काँग्रेस अनेक दिवसांपासून राफेल युद्ध विमान खरेदीत ४१ हजार कोटींचा घोटाळा झाल्याचा आरोप करत आहे. तसेच काँग्रेस पक्षाला राफेल कराराबाबत काही भूमिका करायची असेल किंवा इतर काही प्रश्न विचारायचे असतील तर आम्हाला पत्रकार परिषेदच्या ४८ तासांपूर्वी त्याची कल्पना द्यावी. म्हणजे तुम्हाला आमच्या कंपनीच्या वतीने योग्य ती माहिती पुरवणे शक्य होईल, असे नोटीशीत म्हटले आहे. त्यामुळे हा काँग्रेसवर दबाव टाकण्याचा प्रयत्न तर नाही ना अशी शंका दिल्लीतील काँग्रेस नेते कुजबुजत आहेत.

Congress Spokesperson Jaiveer Shergill receives a cease & desist notice from Anil Ambani led Reliance Infrastructure, Reliance Defence & Reliance Aerostructure asking him to restrain from speaking on Rafale, failing which he will face legal consequences. pic.twitter.com/9yAa2zUcnB

— ANI (@ANI) August 22, 2018