30 May 2023 4:26 AM
अँप डाउनलोड
बातम्या फ्लॅश
PPF Calculator | PPF कॅल्क्युलेटर सांगेल 1000 गुंतवून 18 लाख परतावा कसा मिळवायचा, पैसा वाढवणारी माहिती  Loan Recovery Rules | आता तुमचे बॅंकेचे EMI थकले तरी डोन्टवरी, कर्जदाराला आरबीआयने दिलेले महत्वाचे अधिकार लक्षात ठेवा Investment Tips | या सरकारी योजनेत दररोज 45 रुपये गुंतवल्यास 25 लाख रुपये परतावा मिळेल, अधिक जाणून घ्या Multiple Bank Accounts | बँकेत एकापेक्षा जास्त अकाउंट्स असतील तर आधी ही खबरदारी घ्या, अन्यथा... Plan 475 | ममता-नितीश यांचा प्लॅन 475 काय आहे? 2019 च्या निवडणुकीत काँग्रेसने 52 जागा जिंकल्या होत्या तर 209 जागांवर दुसऱ्या क्रमांकावर होते Triveni Engineering Share Price | मागील 5 दिवसात त्रिवेणी इंजिनिअरिंग अँड इंडस्ट्रीज कंपनीचे शेअर्स तेजीत, नेमके कारण काय? Sterling Tools Share Price | मल्टीबॅगर स्टर्लिंग टूल्स शेअरचा गुंतवणूकदारांना 105% परतावा, आता 100% डिव्हीडंड देणार, स्टॉक डिटेल्स पहा
x

शिवसेनेसोबत युती केली तरी लोकसभा निवडणुकीत अपयश: भाजपचा अंतर्गत सर्वे

मुंबई : आगामी लोकसभा निवडणुकीत शिवसेनेसोबत युती केली तरी महाराष्ट्रात २०१४ प्रमाणे यश प्राप्त होणार नाही, असा अंदाज भारतीय जनता पक्षाच्या अंतर्गत सर्वेक्षणात वर्तवण्यात आला आहे. आगामी लोकसभा निवडणुकीत शिवसेना-भाजपा युती झाली तरी युतीला ३० ते ३४ जागांवर समाधान मानावे लागेल, असे या सर्वेक्षणात पुढे आलं आहे.

मागील लोकसभा निवडणुकीत भाजपा आणि शिवसेना युतीने राज्यात ४८ पैकी ४१ जागांवर यश मिळालं होतं. मात्र, पोटनिवडणुकांनंतर ४८ पैकी २२ जागा भारतीय जनता पक्षाकडे आहेत. तर शिवसेना १८, एनसीपी ५, राष्ट्रीय काँग्रेस २ आणि राजू शेट्टी यांच्या स्वाभिमान पक्षाकडे १ जागा आहे.

२०१९ मध्ये येऊ घातलेल्या निवडणुकीआधी भारतीय जनता पक्षाने अंतर्गत सर्वेक्षण केले असून त्यामध्ये जागा मोठ्या प्रमाणावर कमी होण्याचा अंदाज व्यक्त करण्यात आला आहे. त्यानुसार आगामी लोकसभा निवडणुकीत शिवसेनेशी युती केली तरी दोन्ही पक्षांना मिळून ३० ते ३४ जागांवर समाधान मानावे लागेल. तर दुसरीकडे भारतीय जनता पक्षाने लोकसभा निवडणूक स्वबळावर लढवली तर त्यांना १५ ते १८ जागाच मिळतील. तर शिवसेनेला मात्र ५ ते ८ जागांवर समाधानी राहावे लागेल असा अंदाज आहे.

तर राष्ट्रीय काँग्रेस-एनसीपी आघाडीला २२ ते २८ जागा मिळतील, असे या सर्वेक्षणात निरीक्षण नोंदविण्यात आले आहे आणि तसे वृत्त टाइम्स ऑफ इंडियाने प्रसिद्ध केले आहे. मात्र या सर्वेक्षणावर शिवसेना खासदार संजय राऊत यांनी प्रतिक्रिया देणे टाळले आहे. तर भारतीय जनता पक्षाच्या एका माजी मंत्र्याने नाव न छापण्याच्या अटीवर सांगितले की, शिवसेनेची भाजपकडे युतीसाठी एक प्रमुख अट आहे. त्यांना थेट मुख्यमंत्रीपद हवे असून जागांच्या आधारे मुख्यमंत्रीपद देण्यास शिवसेना अनुकूल नसल्याचे म्हटले आहे.

संबंधित बातम्या

राहुन गेलेल्या बातम्या

x