केंद्रीय मंत्री नितीन गडकरींना भोवळ, राज्यपालांनी सावरले

राहुरी : राहुरी येथील कृषी विद्यापीठाच्या पदवीदान कार्यक्रमादरम्यान केंद्रीय मंत्री नितीन गडकरी यांना अचानक भोवळ आली. कार्यक्रमादरम्यान राष्ट्रगीत सुरू असताना नितीन गडकरींना भोवळ आल्याचे समजते. परंतु, बाजूला उपस्थित असलेले राज्यपाल विद्यासागर राव यांनी गडकरींना सावरले. दरम्यान, गडकरी यांना ताबडतोब इस्पितळात दाखल करण्यात आले असून त्यांची प्रकृती सध्या स्थिर असल्याचे समजते.

आज दुपारी राहुरी येथील महात्मा फुले कृषी विद्यापीठाच्या पदवीदान सोहळ्यासाठी नितीन गडकरी प्रमुख पाहुणे म्हणून उपस्थित होते. दरम्यान, यावेळी त्यांनी उपस्थितांसमोर छोटेखानी भाषण सुद्धा केले. परंतु,कार्यक्रमाच्या शेवटी राष्ट्रगीत सुरू असताना त्यांना भोवळ आली आणि ते खाली कोसळले असे वृत्त आहे.

डॉक्टरांनी तातडीने गडकरी यांची प्राथमिक तपासणी केली. त्यानंतर गडकरी यांना इस्पितळात हलवण्यात आले. दरम्यान, इस्पितळाच्या माहितीनुसार गडकरी यांची प्रकृती सध्या स्थिर असल्याचे समजते.

माझी प्रकृती ठणठणीत- गडकरींचं ट्विट

Had slight medical condition due to low sugar. I have been attended by doctors and i am doing well now. I thank all of you for all the well wishes.

— Nitin Gadkari (@nitin_gadkari) December 7, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.