मुंबई : पंतप्रधान नरेंद्र मोदींच्या जीवनावरील लघुपट ‘चलो जिते है’ महाराष्ट्रातील जिल्हा परिषदेच्या शाळांमध्ये दाखविला जाणार आहे. राज्य शासनाने तशा प्रकारचे लेखी आदेश काढले नसले तरी प्रत्येक जिल्ह्यातील जिल्हाप्रमुख तसेच शिक्षणाधिकाऱ्यांना व्हॉट्सअँपच्या माध्यमातून फर्मान सोडण्यात आल्याचे वृत्त आहे.
१७ सप्टेंबर रोजी नरेंद्र मोदींचा वाढदिवस असतो आणि त्याच्या दुसऱ्या दिवशी म्हणजे १८ सप्टेंबर’ला हा लघुपट विविध शाळांमध्ये दाखविण्याच्या सूचना देण्यात आल्याचे प्रसार माध्यमांच्या कानावर आले आहे. मंगेश हडवळे यांनी या लघुपटाचे दिगदर्शन केलं आहे. या लघुपटाचे दिग्दर्शन parthinfotech.in या वेबसाईटवर दाखविण्यात येणार आहे. या निवडणुकीच्या प्रचार तंत्राचा वापर करताना विद्यार्थी सुद्धा लक्ष होत असल्याने अनेक शिक्षकांमध्ये नाराजीची भावना निर्माण झाली आहे.
या लघुपट कसा बघता येईल याची संपूर्ण माहिती तसेच सूचना जारी करण्यात आल्या आहेत. त्यामुळे सरकारविरुद्ध वादंग निर्माण होण्याची शक्यता आहे असं राजकीय विश्लेषकांना वाटत आहे.
