प्रियांका गांधींचे पती रॉबर्ट वड्रा यांच्याविरोधात एफआयआर दाखल

हरियाणा : हरयाणातील गुरुग्राम येथे गृहसंकूल व व्यापारी संकुले उभारण्यासाठी केलेल्या जमीन खरेदी प्रकरणात प्रियांका गांधींचे पती रॉबर्ट वड्रा यांच्याविरोधात एफआयआर दाखल करण्यात आला आहे. त्यांच्या विरोधात ४२० हे कलम एफआयआर’मध्ये लावण्यात आलं आहे. त्याबरोबरच हरयाणाचे माजी मुख्यमंत्री भुपिंदरसिंह हुडा यांच्याविरोधातही गुन्हा दाखल करण्यात आला आहे.

एफआयआर’नुसार त्यात २ रियल इस्टेट कंपन्यांची सुद्धा नावे असल्याची माहिती समोर येत आहे. संबंधित व्यवहारात वड्रा यांनी ५० कोटींचा लाभ झाल्याचा त्यांच्यावर आरोप करण्यात येत आहे. हरियाणातील विद्यमान भारतीय जनता पक्षाच्या सरकारने याआधीच संबंधित जमीनखरेदी व्यवहाराची चौकशी करण्यासाठी एका आयोगाची स्थापना केली आहे. विशेष म्हणजे हरयाणा विधानसभेच्या निवडणुकीदरम्यान भारतीय जनता पक्षाने आपल्या प्रचाराचा हा महत्वाचा मुद्दा उचलून धरला होता.

दरम्यान या एफआयआर मध्ये वड्रा तसेच हुडा या दोघांसह स्कायलाइट हॉस्पिटॅलिटी आणि डीएलएफ या दोन कंपन्यांच्या संचालकांविरोधात सुद्धा गुन्हा दाखल करण्यात आला आहे. त्यात भारतीय दंड संहितेचे कलम ४२०, १२० ब, ४७६, ४६८ आणि ४७१ अन्वये वडेरा यांच्याविरुद्ध केस दाखल केली आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.