केरळ : केरळमधील २ महिलांनी शबरीमला येथील भगवान अयप्पा यांचे दर्शन घेतले आहे. काही दिवसांपूर्वी सुप्रीम कोर्टाने १० ते ५० वयोगटातील महिलांना मंदिरात प्रवेश करण्यापासून रोखले जाऊ शकत नाही, असा ऐतिहासिक निकाल दिला होता. या निर्णयानंतरही कालपर्यंत एकासुद्धा महिलेला अयप्पांचे दर्शन घेने शक्य झाले नव्हते.

त्यानंतर अनेक महिला कार्यकर्त्यांनी आणि महिला सामाजिक संघटनांनी सुद्धा मंदिरात प्रवेश करण्याचा प्रयत्न केला होता. परंतु, तीव्र विरोधामुळे त्यांना प्रवेश देण्यात आला नव्हता. दरम्यान, केरळचे मुख्यमंत्री पी विजयन यांनी ज्या महिलांना दर्शन घ्यायचे आहे, त्यांना पोलिसांनी संरक्षण पुरवण्याचा आदेश जारी केला होता. दरम्यान, आज २ धाडसी महिलांनी पोलीस संरक्षणात मंदिरात जाऊन देव दर्शन केलं आहे. तर दुसरीकडे शुद्धिकरण विधीसाठी मंदिर समितीकडून दर्शन बंद करण्यात आले आहे. त्या २ महिलांनी प्रवेश केल्यामुळे मंदिर समितीकडून मंदिरात शुद्धिकरण करण्याचा निर्णय घेण्यात आला आहे, त्यावर सुद्धा टीका करण्यात येते आहे.

kerala chief minister confirms 2 womens have entered in sabarimala temple