सोलापूर : शिवसेना पक्ष प्रमुख उद्धव ठाकरे यांची आज ठरल्याप्रमाणे पंढरपूर येथे जाहीर सभा घेतली. पंढरपूरच्या या मैदानात सभा घेण्याचं धाडस आज शिवसेनेनं दाखवल आहे, असे म्हणून उद्धव ठाकरे यांनी आपल्या भाषणाला सुरुवात केली.दरम्यान, उद्धव ठाकरे यांनी मित्रपक्ष भारतीय जनता पक्षावर सडकून टीका केली.
देशातील ५ राज्यात भारतीय जनता पक्षाचा सुफडा साफ झाला असून आता ते तोंड वर काढू शकत नाहीत. त्यामुळे झोपलेल्या कुंभकर्णाला जागं करायला मी आता पंढरपुरात दाखल झालो आहे. कुंभकर्णा जागा हो, अन्यथा पेटलेला हिंदू तुम्हाला सोडणार नाही, अशा शब्दात भारतीय जनता पक्ष आणि पंतप्रधान नरेंद्र मोदींना उद्धव ठाकरे यांनी भाषणादरम्यान लक्ष्य केलं.
उद्धव ठाकरेंच्या भाषणातील मुद्दे :
- खास पंढरपूरसाठी विठाई बससेवेचं उद्घाटन
- समोरचा गोरगरीब हाच शिवसेनेचा देव.
- धनगर समाजाच्या पाठीशी शिवसेना खंबीरपणे उभी.
- कुंभकर्णाला जागं करायला मी अयोध्येत गेलो होतो.
- राम मंदिर बांधणार म्हणजे बांधणारच
- जे करून दाखवतो तेच बोलतो, जे बोललो ते करून दाखवतो
- सर्व जातीपातीच्या न्याय हक्कासाठी रस्त्यावर उतरून लढा देणार
