नवी दिल्ली : राफेल लढाऊ विमान करारासाठी फ्रान्समधील दसॉल्ट एव्हिएशन या फ्रेंच कंपनीसमोर अनिल अंबानींच्या रिलायन्ससोबत व्यवहार करण्याची अट घालण्यात आली होती, असा धक्कादायक गौप्यस्फोट फ्रान्समधील मीडियापार्ट या न्यूज पोर्टलने केला होता आणि त्यानंतर काँग्रेस अध्यक्ष राहुल गांधी पुन्हा आक्रमक झाले आहेत.

दरम्यान, या आरोपाचा आधार घेत काँग्रेस अध्यक्ष राहुल गांधी यांनी आज प्रसारमाध्यमांशी संवाद साधताना पंतप्रधान नरेंद्र मोदी यांना पुन्हा लक्ष्य केले आहे. राहुल गांधी म्हणाले, “देशाचे पंतप्रधान भ्रष्टाचारी आहेत. त्यांनी देशाचे ३०,००० कोटी रुपये अनिल अंबानींना दिले आहेत. नरेंद्र मोदी हे देशाचे नव्हे तर अनिल अंबानींचे चौकीदार आहेत,” तसेच संरक्षण मंत्री निर्मला सीतारामन यांच्या तडकाफडकी फ्रान्स दौऱ्यावर सुद्धा राहुल गांधी यांनी प्रश्नचिन्ह उपस्थित केले आहे. त्यामुळे राफेलच्या विषयावर विरोधक पुन्हा आक्रमक होण्याची चिन्ह आहेत.

पंतप्रधान नरेंद्र मोदींनी अडचणीत असलेल्या उद्योगपती अनिल अंबानी यांना राफेल करारात भागीदारी देऊन देशाचे ३०,००० कोटी रुपये अनिल अंबानींच्या खिशात घातले आहेत आणि त्यांच्या पदाचा गैरवापर केल्याचा आरोप राहुल गांधी यांनी केला आहे. तसेच देशाचे पंतप्रधान नरेंद्र मोदी हे भ्रष्टाचारी असून, भ्रष्टाचाराच्या प्रकरणात नाव आल्याने त्यांनी स्वतःहून त्यांच्या पदाचा राजीनामा द्यावा, अशी जाहीर मागणी सुद्धा राहुल गांधी यांनी पत्रकार परिषदेत केला आहे. त्यामुळे राहुल गांधींचा एकूणच या विषयावर आक्रमक पवित्रा पाहता ते पुन्हा हा विषयवार मोदींना जोरदार लक्ष करण्याच्या मनस्थितीत आहेत असं राजकीय विश्लेषकांना वाटतं आहे.

Rahul gandhi make question over defence ministers urgent visit to France