सांगली : सांगलीमध्ये राष्ट्रवादीने आगामी निवडणुका डोळ्यासमोर ठेऊन आमदार गाडगीळ आणि आमदार खाडे यांना धक्का देण्याची तयारी सुरु केली आहे. कारण भाजपाचे जेष्ठ नगरसेवक धनपाल तात्या खोत आणि पत्नी सौ.सुलोचना खोत यांनी राष्ट्रवादीचे प्रदेशाध्यक्ष जयंत पाटील यांच्या उपस्थितीत भाजपला रामराम ठोकून राष्ट्रवादीत जाहीर प्रवेश केला आहे.
धनपाल तात्या खोत हे भाजपचे सांगलीतील ज्येष्ठ नगरसेवक असून त्यांच्या पत्नी सुद्धा विद्यमान नगरसेवक आहेत. आतापर्यंत कुपवाड शहरावर त्यांचं मोठ वर्चस्व आहे. धनपाल तात्या खोत हे १९७८ पासून कुपवाड नगरपालिका व त्यांनतर १९९८ साली सांगली शहर महापालिका झाल्यापासून ते तिकडून सातत्याने निवडून येत आहेत. त्याआधी ते कुपवाडचे नगराध्यक्ष होते, सांगली महापालिकेचे ते स्थायी समितीचे सभापती सुद्धा होते. महत्वाचं म्हणजे कुपवाडमध्ये खोत यांचा प्रभाव असून त्याठिकाणी मोठा फटका भाजपला बसणार असल्याचं स्थानिक राजकीय विशेलषक बोलत आहेत.
एकूणच भाजपमधून सुद्धा निवडणुकीपूर्वी आउटगोइंग सुरु झालं आहे असं म्हणावं लागेल.
