माझ्या संकटांच्या काळात शरद पवारांनी च मला मदतीचा हात दिला: डॉ. मनमोहन सिंह

औरंगाबाद : शरद पवार हे यु.पी.ए च्या काळातील एक प्रभावी मंत्री होते. माझ्या पंतप्रधान पदाच्या कार्यकाळात शरद पवारांनी मला नेहमीच मदत केली आहे. अशा शब्दात भारताचे माजी पंतप्रधान डॉ. मनमोहन सिंह यांनी शरद पवार यांची स्तुती केली.

शरद पवार हे एक कुशल आणि प्रभावी मंत्री होते. माझ्या संकटांच्या काळात शरद पवारांनी च पक्षीय मतभेद बाजूला सारून, मला नेहमीच मदतीचा हात दिला. सत्तेत एकत्र असताना पवारांनी दिशांतर्गत संकटांचा सामनाही अत्यंत कुशलतेने हाताळला.

शेषराव चव्हाण लिखित ‘दी ग्रेट एनिग्मा’ या शरद पवारांच्या राजकीय वाटचालीवरील पुस्तकाचा प्रकाशन सोहळा आज औरंगाबाद येथे माजी पंतप्रधान डॉ. मनमोहन सिंह यांच्या उपस्थितीत पार पडला त्यावेळी ते बोलत होते. त्यांनी शरद पवारांना कर्मयोगी हि पदवी बहाल केली आणि पवार हे भारताच्या आर्थिक सुधारणांचे समान भागीदार आहेत असे कौतुकही केले.