13 April 2021 6:29 PM
अँप डाउनलोड

अभिनेत्री प्रिया बेर्डे आज सुप्रिया सुळेंच्या उपस्थितीत राष्ट्रवादीत प्रवेश करणार

Marathi actress Priya Berde, Join NCP, MP Supriya Sule

पुणे, ४ जुलै : चित्रपट निर्मात्या अभिनेत्री आणि दिग्दर्शक प्रिया लक्ष्मीकांत बेर्डे या 7 जुलै रोजी राष्ट्रवादी काँग्रेसमध्ये प्रवेश करणार आहेत. खासदार सुप्रिया सुळे यांच्या उपस्थितीत पुण्यात मार्केट यार्डातील ‘निसर्ग’ येथील पक्षाच्या कार्यालयात हा प्रवेश होणार आहे.

BhagyaVivah Marathi Matrimonial

बेर्डे यांच्या समवेत अभिनेते सिद्धेश्वर झाडबुके, अभिनेते विनोद खेडकर, लावणीसम्राज्ञी शकुंतलाताई नगरकर, ज्येष्ठ सिने अभिनेत्री सुहासिनी देशपांडे कार्यकारी निर्माते संतोष साखरे, लेखक दिग्दर्शक अभिनेते डॉक्टर सुधीर निकम, अखिल भारतीय चित्रपट मउहामंडळाचे उपाध्यक्ष मिलिंद अष्टेकर, हे सर्वजण राष्ट्रवादी चित्रपट सांस्कृतिक विभागांमध्ये प्रवेश करणार आहेत, अशी माहिती राष्ट्रवादी काँग्रेसच्या चित्रपट व सांस्कृतिक विभागाचे प्रदेश कार्याध्यक्ष बाबा पाटील यांनी दिली. राष्ट्रवादी कॉंग्रेसचे पुणे जिल्हाध्यक्ष प्रदीप गारटकर या प्रसंगी उपस्थित राहणार आहेत.

त्याचसोबत पुणे शहर माझ्या दृष्टीने खूप महत्त्वाचं आहे. कारण याच ठिकाणी माझ्या मुलांचे शिक्षण झाले आहे. लक्ष्मीकांत बेर्डे फाऊंडेशनचं कामही पुण्यातून सुरु झाले. त्यामुळे पुण्यातून माझ्या नव्या कारकिर्दीला सुरुवात करण्याची इच्छा आहे. त्यामुळे राष्ट्रवादी काँग्रेसचे अध्यक्ष शरद पवार, उपमुख्यमंत्री अजित पवार, खासदार सुप्रिया सुळे यांचे मार्गदर्शन मिळू शकेल, यासाठी मी राष्ट्रवादीत प्रवेश करण्याचा निर्णय घेतला आहे असं प्रिया बेर्डे यांनी सांगितले.

प्रिया बेर्डे यांनी मराठीतल्या अनेक प्रसिद्ध चित्रपटात काम केले आहे. बजरंगाची कमाल, धमाल जोडी, जत्रा, तु.का पाटील, रंपाट, रंगत संगत, अशी ही बनवा बनवी यासारख्या त्यांनी भूमिका साकारली आहे. दरम्यान राष्ट्रवादी काँग्रेसमध्ये लोकसभा निवडणुकीपूर्वी प्रसिद्ध अभिनेते अमोल कोल्हे यांनी प्रवेश केला होता. त्यांना शिरुर लोकसभेचं तिकीट पक्षाकडून देण्यात आलं, याठिकाणी डॉ. अमोल कोल्हे भरघोस मतांनी निवडून आले आहेत, त्यानंतर आता प्रसिद्ध अभिनेत्री प्रिया बेर्डे यांचा राष्ट्रवादीत प्रवेश होत आहे. त्यामुळे राज्यपाल नियुक्त १२ जागांमध्ये ज्यात साहित्यिक, कलाकार, क्रीडा अशा क्षेत्रातील दिग्गजांना संधी देण्यात येते. या निमित्ताने प्रिया बेर्डे यांना ही संधी मिळू शकते का? अशी चर्चा सध्या सुरु आहे.

 

News English Summary: Filmmaker, actress and director Priya Laxmikant Berde will join the NCP on July 7. The entrance will be held at the party’s office at ‘Nisarg’ in the Market Yard in Pune in the presence of MP Supriya Sule.

News English Title: Marathi actress Priya Berde will join NCP in presence of MP Supriya Sule News Latest Updates.

हॅशटॅग्स

#MarathiCelebrity(4)

संबंधित बातम्या

राहुन गेलेल्या बातम्या

x