पुण्यात ऑक्सफर्डची लस घेणाऱ्या स्वयंसेवकांची प्रकृती उत्तम | साइड इफेक्ट नाहीत

पुणे, २७ ऑगस्ट : ऑक्सफोर्ड कोविड-19 लसीच्या क्लिनिकल ट्रायल्सच्या दुसऱ्या टप्प्यातील परिणाम नॉर्मल असल्याची माहिती वैद्यकीय अधिकाऱ्यांनी गुरुवारी (27 ऑगस्ट) दिली आहे. या चाचणीसाठी पुढे आलेल्या 2 स्वयंसेवकांपैकी दोघांचीही प्रकृती स्थिर असल्याचे समोर आले आहे. 32 आणि 48 वर्षीय दोन स्वयंसेवकांना कोविडशिल्ड लसीचा पहिला डोस देण्यात आला. पुणे स्थित भारती विद्यापीठ मेडिकल कॉलेज आणि हॉस्पिटलमधील सिरम इन्स्टिट्यूट ऑफ इंडिया यांनी या लसीचे उत्पादन केले आहे.

दरम्यान, ऑक्सफर्डच्या करोना लशीची मानवी चाचणी करण्यासाठी पुढे आलेल्या दोन स्वयंसेवकांची तब्येत ही ठरवण्यात आलेल्या निकषांप्रमाणे चांगली असल्याची माहिती माहिती वरिष्ठ अधिकाऱ्यांनी दिली. पुणे स्थित सिरम इन्स्टिटयूट ऑफ इंडियाने बनवलेल्या ‘कोविशिल्ड’ लसीचा ३२ आणि ४८ वर्ष वय असलेल्या दोन स्वयंसेवकांना पहिला डोस दिला. भारतात ऑक्सफर्डच्या लसीचे नाव ‘कोविशिल्ड’ आहे.

दोन्ही स्वयंसेवकांना एक महिन्यानंतर या लसीचा पुन्हा दुसरा डोस दिला जाईल असे अधिकाऱ्यांनी सांगितले. “कालपासून आमची वैद्यकीय टीम दोन्ही स्वयंसेवकांच्या संपर्कात आहे. दोघांचीही प्रकृती चांगली आहे. त्यांना कुठेही दुखत नाहीय किंवा ताप नाहीय” असे मेडिकल कॉलेज आणि रुग्णालयाचे वैद्यकीय उपसंचालक डॉ. जितेंद्र ओस्वाल यांनी सांगितले.

बुधवारी लस दिल्यानंतर दोन्ही स्वयंसेवकांचे अर्धा तास परीक्षण करण्यात आले. त्यानंतर त्यांना घरी जाऊ दिले असे डॉक्टरांनी सांगितले. पीटीआयने हे वृत्त दिले आहे. काही गरज पडल्यास त्यांनी इमर्जन्सीमध्ये नंबर देण्यात आले आहेत तसेच आमचे वैद्यकीय पथकही त्यांच्या संपर्कात आहे असे डॉ. जितेंद्र ओस्वाल म्हणाले. काल पाच जणांवर लस चाचणी करण्यात येणार होती. पण तिघांच्या शरीरात अँटीबॉडीज आढळून आल्या. त्यामुळे ते लस चाचणीसाठी अनफीट ठरले.

News English Summary: The first dose of Covishield vaccine, developed by Pune-based Serum Institute of India, was given to two volunteers aged 32 and 48. In India, the Oxford vaccine is called Covishield. Both volunteers will be given a second dose of the vaccine a month later, officials said.

News English Title: Oxford Coronavirus vaccine trial vital signs of volunteers normal says doctor News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.