रशिया : यंदाचा फुटबॉल विश्वचषक जिंकण्याच ब्राझीलच स्वप्न भंग झाले आहे. काल झालेल्या सामन्यात बलाढ्य ब्राझीलचा बेल्जियमकडून २-१ असा पराभव झाला आहे. त्यामुळे ब्राझील फिफा फुटबॉल विश्वचषक २०१८ स्पर्धेतून बाद झाला असून बेल्जियमने उपांत्य फेरीत प्रवेश केला आहे.
त्यामुळे फिफा फुटबॉल विश्वचषक २०१८ स्पर्धेतून जर्मनी, अर्जेंटिना, स्पेन आणि उरूग्वे सारख्या बलाढ्य संघाबरोबर ब्राझील सारखा बलाढ्य संघ आणि प्रमुख दावेदार स्पर्धेतून बाद झाला आहे. अखेरच्या क्षणी आलेली सुवर्ण संधी गमावल्याने त्यांना ही निराशा हाती आली आहे. आता विजयी ठरलेल्या बेल्जियमचा फ्रांस सोबत पुढील सामना रंगणार आहे.
ब्राझीलच्या संघाने विजयासाठी खूप प्रयत्नं केले परंतु ते असफल ठरले. अखेरच्या क्षणी गोलपोस्टच्या अगदी जवळ जाऊनही गोल करण्याची संधी ब्राझीलच्या पराभवाला कारणीभूत ठरली आहे. पराभवानंतर ब्राझीलचे खेळाडू प्रचंड वैतागलेले पाहायला मिळत होते.
