शेअर बाजार गडगडला, तब्बल १२०० अंकांनी सेन्सेक्स खाली.

मुंबई : अर्थसंकल्प २०१८-१९ सादर झाल्यापासून सलग ६ व्या दिवशीही शेअर बाजारात मोठी पडझड सुरूच आहे. आज सकाळी शेअर बाजार उघडताच सेन्सेक्स तब्बल १२०० अंकांनी कोसळला तर निफ्टी ३७१ अंकांनी खाली घसरला.

अमेरिकेतील घडामोडींचा थेट परिणाम भारतीय बाजारपेठेवर बघायला मिळाला. सध्या अमेरिकेची अर्थव्यवस्था नाजूक स्थितीत असून फेडरल बँकेने व्याजाचा दर शून्यावर आणल्याने आणि त्याचाच परिणाम म्हणजे अमेरिकन अर्थव्यवस्था रुळावर येत असल्या कारणाने व्याजदर पुन्हा १ टक्क्यावर आणले आहेत. परंतु फेडरल बँकेने सांगितल्याप्रमाणे ते दर एकूण ३ टक्क्यापर्यंत जाऊ शकतात आणि त्यामुळेच अमेरिकन बाजार ही गडगडला.

त्याचाच परिणाम म्हणून परकीय गुंतवणूकदारांनी (एफ.आय.आय) आपला पैसा भारतीय बाजारपेठेतून काढून घेतला. त्यातच २०१८-१९ मधील अर्थसंकल्पात दीर्घकालीन गुंतवणुकीवर मोठ्या प्रमाणावर व्याज आकारले जाणार असल्याने तेही या पडझडीचे एक मोठे कारण ठरले.

अर्थसंकल्प २०१८-१९ सादर झाल्यापासून सलग ६ व्या दिवशीही शेअर बाजारात मोठी पडझड सुरूच आहे. मागील केवळ चार दिवसांमध्ये बाजारात तब्बल २५०० इतकी प्रचंड घसरण झाली आहे.

Sensex opens at 33,753 levels, down by 1004 points… pic.twitter.com/XB4uNDXcKM

— BSE India (@BSEIndia) February 6, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.