FDI नियम; फेब्रुवारीपासून फ्लिपकार्ट, पेटीएम, अमेझॉनचे मेगा सेल बंद

नवी दिल्ली : ईकॉमर्स क्षेत्रातील जाईंट फ्लिपकार्ट, पेटीएम, अमेझॉन १ फेब्रुवारीपासून निरनिराळ्या दिवसांच्या निमित्ताने आयोजित करणारे मेगा सेल यापुढे बंद करावे लागणार आहेत. दिवाळी, दसरा, नवीन वर्ष, प्रजासत्ताक दिन, स्वातंत्र्य दिन अशा अनेक महत्वाच्या दिवशी ग्राहकाला आकर्षित करण्यासाठी खरेदीवर मोठी सूट देऊन एकूण विक्री वाढवायचे. परंतु, सरकारच्या नव्या एफडीआय नियमांमुळे यापुढे या कंपन्यांना हे सर्व येत्या १ फेब्रुवारीपासून करता येणार नाही .

कारण नव्या नियमानुसार या कंपन्यांनी स्वतःच्या नावाने बनवलेली उत्पादनं त्यांना यापुढे केवळ स्वतःच्या वेबसाईटवर विकता येणार नाहीत. कारण यापुढे ती उत्पादनं त्यांना इतर वेबसाईटवर सुद्धा विकण्यासाठी खुली करावी लागतील. नव्या नियमानुसार यापुढे एक्सक्लूसिव’च्या नावाने स्वतःची उत्पादनं बनवून ती केवळ स्वतःच्या ईकॉमर्स साईट्स वरून विकता येणार नाहीत, असा नवा नियम आहे.

सरकारने एफडीआय नियमावलीत केलेल्या नव्या बदलानुसार आधी तीच उत्पादनं इतर साईट्स’ला सुद्धा विकण्यासाठी उपलब्ध करून द्यावी लागतील असा नियम आहे. त्यामुळे यापुढे हा नियम सर्वांना अंमलात आणणे बंधनकारक आहे. परंतु, प्रसार माध्यमांच्या हाती आलेल्या वृत्तानुसार छोट्या व्यापाऱ्यांच्या दबावाखाली येऊन आणि लोकसभा निवडणुकीच्या अनुषंगाने हे बदल केले गेले आहेत, असा आरोप करण्यात येतो आहे.