नवी दिल्ली : चार दिवसांपूर्वी पुलवामामध्ये दहशदवाद्यांनी केलेल्या हल्ल्यात ४० जवान शहीद झाले होते. त्यानंतर देशभरात पाकिस्तानविरोधात संताप व्यक्त करण्यात येत आहे. परंतु अजून देखील सीमारेषेवरील पाकिस्तानच्या कुरापती संपण्याचे नावच घेत नाही. सध्या अनेक शहीद जवानांचे शव अंत्यविधींसाठी त्यांच्या कुटुंबियांना सुपूर्द करण्यात येत आहेत. दरम्यान, यावेळी एक किळसवाणा प्रकार समोर आला आहे.
पुलवामा येथील दहशदवादी हल्ल्यात शहीद झालेले केरळचे वसंत कुमार विवी यांचं पार्थिव त्यांच्या कुटुंबीयांकडे अंत्यंविधीसाठी सुपूर्द करण्यात आलं. दरम्यान, त्यांना श्रद्धांजली देण्यासाठी भाजप खासदार आणि केंद्रीय सांस्कृतिक व पर्यटन राज्यमंत्री अल्फान्सो काननथानम तेथे हजर झाले आणि त्यांनी चक्क शहिद जवानाच्या पार्थिव म्हणजे शव पेटीसोबत सेल्फी काढल्याचा धक्कादायक प्रकार घडला आहे.
त्यामुळे देशाला राष्ट्रभक्ती शिकणाऱ्या भाजप नेते मंडळींचा खरा चेहरा समोर आल्याची जोरदार टीका समाज माध्यमांवरून करण्यात येते आहे. भाजपचे मंत्रीच किती संवेदनशील आहेत याचं हे उत्तम उदाहरण म्हणावं लागेल.
What a shame Mr.Alphonce Kannanthanam..Taking selfie infront of our soldiers dead body..#shameOnYouAlphonse pic.twitter.com/G534QNm4N4
— Shan Shakir (@ShanShakir1) February 16, 2019
Sir, you should have used a better camera for this selfie, can’t see the shame on your face
— Paresh (@hi_paresh) February 16, 2019
