Penny Stocks | शेअर मार्केटमध्ये गुंतवणुक करून परतावा मिळवण्यासाठी संयम राखणे खुप महत्वाचे आहे. शेअर बाजारात अनेक वेळा स्मॉल कॅप कंपन्या अल्पावधीतच नाही तर दीर्घकाळातही गुंतवणूकदारांना प्रचंड मोठा परतावा कमावून देतात. आज या लेखात आपण अशाच एका कंपनीबद्दल माहिती घेणार आहोत, ज्याने आपल्या गुंतवणूकदारांना मालामाल बनवले आहे. आपण ज्या कंपनीच्या शेअर बद्दल माहिती घेणार आहोत, त्याचे नाव आहे,”तान्ला प्लॅटफॉर्म”. तान्ला प्लॅटफॉर्म कंपनीचे शेअर एकेकाळी 6.10 रुपये किमतीवर ट्रेड करत होता, सध्या हा स्टॉक 744.60 रुपयांवर गेला आहे.
शेअर्सची दीर्घकालीन कामगिरी :
चालू वर्ष 2022 वर्ष गुंतवणूकदारांसाठी निराशाजनक राहिले आहे. या वर्षात तान्ला प्लॅटफॉर्म कंपनीच्या शेअरची किंमत 39 टक्क्यांनी कमजोर झाली आहे. 2022 या आर्थिक वर्षात तान्ला प्लॅटफॉर्म कंपनीच्या शेअर्सची किंमत 59.77 टक्क्यांनी कमजोर झाली आहे. जर तुम्ही 6 महिन्यांपूर्वी या कंपनीच्या शेअरमध्ये गुंतवणूक केली असती तर, तुमची गुंतवणूक 47 टक्के कमी झाली असती. तथापि, मागील 5 वर्षांत या कंपनीचे शेअर्स खरेदी करणारे गुंतवणूकदार सध्या जबरदस्त नफ्यात असतील. मागील 5 वर्षात तान्ला प्लॅटफॉर्म कंपनीच्या शेअर्सची किंमत 2212 टक्क्यांनी वधारली आहे.
शेअरची किंमत :
26 ऑक्टोबर 2012 रोजी या कंपनीचे शेअर 6.10 रुपये किमतीवर ट्रेड करत होते. 27 ऑक्टोबर 2022 रोजी गुरुवारच्या ट्रेडिंग सेशनमध्ये या कंपनीचे शेअर 744.60 रुपयांवर किमतीवर पोहोचले होते. जर तुम्ही 10 वर्षांपूर्वी या कंपनीत 1 लाख रुपये गुंतवले असते तर आज तुमच्या गुंतवणुकीचे मूल्य 1.20 कोटी रुपयांपर्यंत वाढले असते. म्हणजेच या शेअर्सने आपल्या दीर्घकालीन गुंतवणूकदारांना प्रचंड मोठा परतावा कमवून दिला आहे. कंपनीच्या शेअरची 52 आठवड्यांची उच्चांक पातळी किंमत 2096 रुपये आहे. त्याच वेळी, 52 आठवड्यांची नीचांक पातळी किंमत 584.50 रुपये होती. ही कंपनी 2007 साली BSE निर्देशांकावर सीचीबध करण्यात आली होती.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
