Tata Motors Share Price Today | भारतातील सर्वात मोठी ऑटो कंपनी ‘टाटा मोटर्स’ आपले जानेवारी-मार्च 2023 तिमाहीचे आर्थिक निकाल लवकरच जाहीर करणार आहे. ब्रोकरेज फर्मला अपेक्षा आहे की, या वर्षी कंपनीचे आर्थिक निकाल मजबूत असतील. मोतीलाल ओसवाल यांनी ‘टाटा मोटर्स’ कंपनीच्या स्टॉकवर ‘बाय’ रेटिंग देऊन शेअर खरेदी करण्याचा सल्ला दिला आहे. तज्ञांनी या स्टॉकवर 525 रुपये प्रति शेअर लक्ष किंमत जाहीर केली आहे. (Tata Motors Limited)
17 ऑगस्ट 2022 रोजी टाटा मोटर्स कंपनीचे शेअर्स 494.50 रुपये या आपल्या 52 आठवड्यांच्या उच्चांक किंमत पातळीवर ट्रेड करत होते. बुधवार दिनांक 19 एप्रिल 2023 रोजी टाटा मोटर्स कंपनीचे शेअर्स 0.13 टक्के वाढीसह 473.60 रुपये किमतीवर ट्रेड करत आहेत.
12 मे 2023 रोजी टाटा मोटर्स कंपनीच्या संचालक मंडळाची बैठक आयोजित करण्यात आली आहे. या बैठकीत 31 मार्च 2023 रोजी संपलेल्या तिमाहीचे आणि आर्थिक वर्षाचे निकाल जाहीर केले जातील. जानेवारी-मार्च 2023 तिमाहीत टाटा मोटर्स कंपनीने जबरदस्त कामगिरी केली आहे, त्यामुळे आर्थिक निकाल मजबूत राहतील असा अंदाज तज्ञांनी व्यक्त केला आहे.
MK ग्लोबल फर्मच्या तज्ज्ञांच्या मते, टाटा मोटर्स कंपनीला ‘जग्वार लँड रोव्हर’ आणि व्यावसायिक वाहने तसेच प्रवासी वाहने यांच्यातील मजबूत मागणीमुळे 37 टक्के वाढीव महसूल मिळण्याचा अंदाज आहे. प्रभुदास लिलाधर फर्मच्या तज्ञांनी, टाटा मोटर्स कंपनीच्या महसुलात 23 टक्के वाढ होऊ शकते असा अंदाज व्यक्त केला आहे.
मार्च 2023 तिमाहीसाठी ICICI सिक्युरिटीज फर्मच्या तज्ञांनी टाटा मोटर्स कंपनीची निव्वळ विक्री 1.06 ट्रिलियन म्हणजेच 20 टक्क्यांनी वाढण्याचा अंदाज व्यक्त केला आहे. कंपनीचा EBITDA 13,664 कोटी रुपये आणि मार्जिन 12.9 टक्के राहण्याचा अंदाज आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
