ITR Filing Precautions | इन्कम टॅक्स रिटर्न भरताना या गोष्टी लक्षात ठेवा, एका चुकीमुळे रिफंडचे पैसे अडकतील

ITR Filing Precautions | इन्कम टॅक्स रिटर्न (आयटीआर) भरण्याची मुदत जवळ आली आहे. खुद्द आयकर विभागच करदात्यांना दररोज याची आठवण करून देत असून लवकरात लवकर आयटीआर भरण्याचे आवाहन करत असतो. तुम्ही अजून आयटीआर भरला नसेल तर हे काम विनाविलंब पूर्ण करत जा. सध्या आयटीआर भरण्याची शेवटची तारीख जवळ येतं आहे.

इन्कम टॅक्स रिटर्न भरण्याशी संबंधित अॅसेसमेंट इयरमध्ये (AY) केलेल्या वजावटीचा परतावा मिळण्याबरोबरच आयटीआरला अनेक महत्त्व आहे. कार लोन किंवा गृहकर्ज घ्यायचं असेल तर बँक तुमच्याकडे आयटीआरची मागणी करेल. त्यामुळे तुमचे उत्पन्न करपात्र नसले तरी तुम्ही सक्तीने आयकर विवरणपत्रे भरावीत. इन्कम टॅक्स रिटर्न भरताना लोक काही वेळा काही छोट्या गोष्टींकडे लक्ष देत नाहीत, ज्यामुळे त्यांना ना रिफंड मिळतो ना आयटीआर वैध मानले जातात. या छोट्या चुका करदात्यांसाठी मोठ्या तोट्याचा सौदा ठरू शकतात. जाणून घेऊया आयटीआर भरताना कोणत्या गोष्टींकडे लक्ष देणं आवश्यक आहे, जेणेकरून तुम्हाला अडचणींचा सामना करावा लागणार नाही.

आयटीआरच्या योग्य फॉर्मची निवड
आयटीआर भरताना योग्य आयटीआर फॉर्म निवडणं सर्वात महत्त्वाचं असतं. तुम्हाला कोणता आयटीआर फॉर्म भरावा लागतो हे तुमच्या उत्पन्नाचे स्रोत काय आहेत, निवासी मालमत्ता आहे का, परदेशात प्रॉपर्टी आहे की तुम्ही एखाद्या कंपनीत भागीदार आहात, अशा अनेक गोष्टींवर अवलंबून आहे. तुम्ही नोकरी शोधणारे असाल आणि उत्पन्नाचं एकमेव साधन म्हणजे पगार असेल, तर तुम्हाला आयटीआर-१ भरावा लागेल. दुसरीकडे, जर तुम्ही एखाद्या व्यवसायातून नफा कमवत असाल किंवा शेअर बाजार, म्युच्युअल फंड किंवा प्रॉपर्टीमधून भांडवली नफा कमवत असाल तर तुम्हाला आयटीआर-2 भरावा लागेल.

वैयक्तिक आणि बँक खात्याचा तपशील
आयटीआर भरताना अचूक वैयक्तिक माहिती देणं फार गरजेचं आहे. एकच चुकीची माहिती दिली तर आयटीआर फॉर्म नाकारला जाऊ शकतो. याशिवाय परताव्याचा दावा करणाऱ्या करदात्यांनी बँक खात्याची योग्य माहिती द्यावी. बँक खाते प्री-व्हॅलिडेट करणे देखील आवश्यक आहे. आयएफएससी कोड किंवा बँक खात्याची माहिती बरोबर नसल्यास रिफंड अडकू शकतो.

आयटीआरमध्ये मिळकतीची लपवाछपवी
आयटीआरमध्ये अनेक करदाते करमुक्त उत्पन्न दाखवत नाहीत. उदा., पीपीएफमधून व्याजाच्या स्वरूपात मिळणारे उत्पन्न, सुकन्या समृद्धी योजनेत मिळणारे व्याज, नातेवाइकांकडून मिळणाऱ्या भेटवस्तू इत्यादी. तसे आम्ही तुम्हाला सांगू इच्छितो की, मित्र परिवार आणि नातेवाईकांकडून मिळालेल्या सर्व भेटवस्तू करमुक्त नसतात. एका मर्यादेनंतर त्यांच्यावरही आयकर भरावा लागतो. या करमुक्त पद्धतींचे उत्पन्न विवरणपत्रात न दाखविल्यास आयकर विभाग तुम्हाला नोटीस पाठवू शकतो.

डेडलाइनची वाट बघत उशीर करणे
मुदतीनंतर आयटीआर दाखल केल्यास दंड होऊ शकतो. डेडलाईन पूर्वी रिटर्न फाईल केल्यास चूक झाल्यास आयटीआरमध्ये सुधारणा करण्याचा पर्याय उपलब्ध होणार आहे. या मुदतीनंतर, विवरणपत्र भरताना कोणत्याही दुरुस्तीची परवानगी दिली जाणार नाही. ही मुदत न वाढवल्यास ३१ जुलैनंतर इन्कम टॅक्स रिटर्न भरल्यास १० हजार रुपयांपर्यंत दंड होऊ शकतो.

आईटीआर व्हेरिफाय न करणे
आयटीआर भरणे पुरेसे नाही . आयटीआरची पडताळणी करणे हे विवरणपत्र भरण्याइतकेच महत्त्वाचे आहे. अनेक जण आयटीआर भरतात, पण पडताळणी करत नाहीत. आयटीआर व्हेरिफाय करण्यासाठी रिटर्न भरल्यानंतर पुढील १२० दिवस तुमच्याकडे आहेत. आयटीआर व्हेरिफाय करण्यासाठी अनेक पर्याय उपलब्ध आहेत. सर्वात सोपा मार्ग म्हणजे आधार प्रमाणीकरण. याशिवाय बँक खात्याद्वारेही आयटीआर व्हेरिफाय करता येणार आहे. ऑनलाइन नसल्यास आयटीआरची प्रत सेंट्रल प्रोसेसिंग युनिटला पाठवून त्याची पडताळणी करता येते. लक्षात ठेवा, जोपर्यंत आयटीआर सत्यापित होत नाही तोपर्यंत आपल्या परताव्यावर प्रक्रिया केली जाणार नाही.

प्रत्येकाने ITR भरावा
अनेक जण आयटीआर दाखल करत नाहीत, अशीही अनेक प्रकरणे आहेत. प्रत्येकाने अशी चूक करणे टाळावे. जर तुमचे उत्पन्न करपात्र असेल आणि तुम्ही कर भरत नसाल किंवा तुम्ही उत्पन्नाबद्दल खोटी माहिती दिली असेल, तर तुम्ही कर चुकवण्याच्या प्रयत्नात आहात, असे गृहीत धरले जाते. अशा परिस्थितीत आयकर विभाग तुम्हाला केवळ नोटीस बजावू शकत नाही, तर जबर दंडही आकारू शकतो. याशिवाय तुरुंगवासाची शिक्षा भोगण्याचीही गरज भासू शकते. या व्यतिरिक्त आयटीआर न भरल्याने अनेक फायद्यांपासून वंचित राहता येते. बँकेकडून कोणतेही कर्ज घेताना तुम्हाला अडचणी येतील.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: ITR Filing Precautions to avoid mistakes check details on 10 January 2023.