ED Chief Sanjay Mishra | ईडी संचालकपदाच्या तिसऱ्या टर्मसाठी मोदी सरकार हट्टाला पेटलं, निर्णयानंतरही सुप्रीम कोर्टात पुन्हा याचिका

ED Chief Sanjay Mishra | सक्तवसुली संचालनालयाचे (ED) संचालक संजयकुमार मिश्रा यांच्या सेवेला मुदतवाढ मिळावी यासाठी केंद्र सरकारने सर्वोच्च न्यायालयात पुन्हा धाव घेतली आहे. सॉलिसिटर जनरल तुषार मेहता यांच्यामार्फत बुधवारी हा अर्ज दाखल करण्यात आला असून, त्यावर गुरुवारी दुपारी साडेतीन वाजता सुनावणी घेण्याचे न्यायालयाने मान्य केले आहे.

केंद्र सरकारने संजय कुमार मिश्रा यांना तिसरी मुदतवाढ दिली होती, त्यांचा कार्यकाळ नोव्हेंबरमध्ये संपत आहे. मात्र, या महिन्याच्या ११ तारखेला सर्वोच्च न्यायालयाने त्यांना ३१ जुलैपर्यंत राजीनामा देऊन पद रिकामे करण्याचे आदेश दिले होते.

यापूर्वी सर्वोच्च न्यायालयाने म्हटले आहे की, हे आपल्या 2021 च्या निर्णयाचे उल्लंघन आहे, ज्यात सुप्रीम कोर्टाने संजयकुमार मिश्रा यांना तिसऱ्यांदा सेवावाढ चुकीची असल्याचे म्हटले होते. याच आदेशासंदर्भात केंद्र सरकारने पुन्हा सुप्रीम कोर्टात धाव घेतली आहे. गवई यांच्या अध्यक्षतेखालील खंडपीठासमोर सॉलिसिटर जनरल तुषार मेहता म्हणाले की, मी तुमच्यासमोर अर्ज दाखल करत आहे. शुक्रवारपूर्वी यावर सुनावणी व्हावी, अशी प्रार्थना आहे. सर्वोच्च न्यायालयाच्या आदेशानुसार संजय कुमार मिश्रा यांचा कार्यकाळ सोमवारी संपत आहे.

मोदी सरकारने हा विषय हाताळण्यासाठी अध्यादेश काढला आणि त्यानंतर संसदेतून हे विधेयक मंजूर केले. त्यानुसार ईडी आणि सीबीआयच्या संचालकांना 5 वर्षांचा कार्यकाळ पूर्ण होईपर्यंत मुदतवाढ मिळू शकते. त्यानंतर संजय मिश्रा यांना आणखी एक मुदतवाढ देण्यात आली, ज्यांच्याविरोधात सुप्रीम कोर्टात खटला दाखल करण्यात आला. त्यावर निर्णय देताना सुप्रीम कोर्टाने संजय मिश्रा यांना ३१ जुलैपर्यंत कार्यालय रिकामे करावे लागेल, तोपर्यंत केंद्र सरकारने काही पर्यायी व्यवस्था करावी, असे सांगितले होते.

News Title : ED Chief Sanjay Mishra extension case again in supreme court 26 July 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.