Haryana Nuh Violence | हरियाणातील नूंह मधील हिंसाचारानंतर हळूहळू शांतता परत येत आहे. दरम्यान, सरकार बुलडोझर मूडमध्ये दिसत आहे. शुक्रवारी प्रशासनाने १५० झोपडपट्ट्या आणि पाच बेकायदा घरांवर बुलडोझर डागला होता. शनिवारी पुन्हा एकदा पाडण्याची कारवाई करण्यात आली आहे. एसएचकेएम शासकीय वैद्यकीय महाविद्यालयाजवळ ही कारवाई करण्यात आली. येथील बेकायदा बांधकाम पाडण्यात आले आहे. प्रशासनाने अडीच एकर जागा रिकामी केली आहे.
मुख्यमंत्री खट्टर यांच्या सूचनेनुसार कारवाई
नूंह जिल्ह्यातील एसकेएम शासकीय वैद्यकीय महाविद्यालयाजवळील बेकायदा बांधकाम हरियाणा प्रशासनाने शनिवारी पाडले. यानंतर नूंहचे एसडीएम अश्विनी कुमार म्हणाले, “मुख्यमंत्री मनोहर लाल खट्टर यांच्या सूचनेनुसार हे करण्यात आले आहे. अडीच एकरात हे अतिक्रमण पसरले होते. हे सर्व बेकायदा बांधकाम होते. नुकत्याच झालेल्या हिंसक झटापटीत यातील काही जणांचा सहभाग असल्याचे निष्पन्न झाले आहे.
जमिनीचा ताबा घेण्यास सुरुवात
मिळालेल्या माहितीनुसार, सत्ताधाऱ्यांचे हितसंबधं असलेल्या मेडिकल कॉलेजजवळील बेकायदा दुकानांवर भाजप प्रशासनाचा बुलडोझर धावला आहे. याशिवाय बेकायदा कब्जाही हटविण्यात आला आहे. शनिवारी सकाळी प्रशासनाचे पथक नल्हार मंदिराजवळ असलेल्या मेडिकल कॉलेजजवळ पोहोचले आणि तेथे असलेली बेकायदा अतिक्रमणे हटविण्याचे काम सुरू केले. हिंसाचारानंतर सरकारच्या बुलडोझर कारवाईमुळे बेकायदा बांधकाम व्यावसायिकांमध्ये खळबळ उडाली आहे. तसेच या दंगली जमिनी ताब्यात घेण्यासाठीच नियोजनबद्ध घडवल्या गेल्या अशी शंका निर्माण झाली आहे. कारण याच परिसरात प्रचंड प्रमाणात टॉवर्स आणि कॉर्पोरेट पार्क उभे राहिले असून, अनेक टोलेजंग इमारती नोएडा ते दिल्ली पर्यंत पसरल्या आहेत.
सरकारी जागेवर बांधलेल्या घरांवर आणि झोपडपट्ट्यांवर बुलडोझर
यापूर्वी नूह मधील तावडू येथील सरकारी जागेवर अतिक्रमण केलेल्या सुमारे २५० झोपडपट्ट्या व इतर अतिक्रमणे बुलडोझरने पाडण्यात आली होती. विशेष म्हणजे विहिंपच्या जलाभिषेक यात्रेवर ज्या मार्गावर हल्ला झाला होता, त्याच मार्गावर ही घरे होती. मुस्लिमबहुल जिल्ह्यात सोमवारी जातीय दंगल उसळल्यानंतर तीन-चार दिवसांनी प्रशासनाने ही कारवाई केली. नूंहचे उपायुक्त प्रशांत पंवार यांनी मात्र या कारवाईचा हिंसाचाराशी काहीही संबंध नसल्याचा इन्कार केला आहे. पण नंतर चंदीगडमध्ये झालेल्या पत्रकार परिषदेत विज म्हणाले, ‘बुलडोझर ही देखील कारवाईतील एक कृती आहे. त्यामुळे आता एकच चर्चा सुरु झाली आहे. कारण याच भागातून नोएडा ते दिल्ली मार्गावर भले मोठे टॉवर आणि कॉर्पोरेट पार्क उभारले गेले आहेत. लवकरच विधानसभा आणि लोकसभा होणार असल्याने बिलर्स आणि सरकारच्या संगनमतातून हे घडवलं गेलंय का याची जोरदार चर्चा हरयाणात सुरु झाली आहे.
#WATCH | After Haryana administration demolishes illegal constructions near SKM Government Medical College in Nuh district, SDM Nuh, Ashwani Kumar says, “This has been done on the direction of CM Manohar Lal Khattar. The encroachment was spread across 2.5 acres…All of it was… pic.twitter.com/SHsAtr0nRw
— ANI (@ANI) August 5, 2023
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
News Title : Haryana Nuh violence bulldozer action on illegal construction encroachment Khattar Govt 05 August 2023.
