जम्मू-काश्मीर, भाजपने पीडीपीचा पाठिंबा काढला, सत्तेतून बाहेर

श्रीनगर: जम्मू काश्मीरमध्ये सत्तेतून बाहेर पडून भाजपने पीडीपीला धक्का दिला आहे. पीडीपी बरोबर सत्तेत राहण्यामागे जो हेतू तो साध्य न झाल्याचे कारण देत भाजपने पाठिंबा काढला आहे.

भाजपने पाठिंबा काढल्याने मेहबुबा मुफ्ती यांना जोरदार राजकीय धक्का मिळाला आहे. भाजपचे जम्मू काश्मीरचे प्रभारी राम माधव यांनी पत्रकार परिषदेत हा निर्णय कळवला.

बऱ्याच दिवसांपासून सीमेवरील तणाव कमी होताना दिसत नाही तसेच भारतीय जवानांवरील वाढते हल्ले आणि शस्त्रसंधीचं उल्लंघन, कठुआ गँगरेप अशा अनेक कारणांवरून भाजप आणि पीडीपीमधील तणाव वाढला होता आणि त्याचाच प्रत्यय आज म्हणेज भाजपने सत्तेतून बाहेर पडण्याचा निर्णय घेतला आहे. त्यामुळे काही दिवसात जम्मू काश्मीरमधील राजकीय घडामोडींना पुन्हा वेग येण्याची शक्यता आहे.