Govt Employees Salary DA Hike | केंद्र सरकार आपल्या एक कोटीहून अधिक कर्मचारी आणि पेन्शनधारकांच्या महागाई भत्त्यात (डीए) तीन टक्क्यांनी वाढ करून ४५ टक्के करण्याची शक्यता आहे. सध्या महागाई भत्ता ४२ टक्के आहे. (7th Pay Commission News)
कर्मचारी आणि पेन्शनधारकांचा महागाई भत्ता हा कामगार ब्युरोकडून दर महिन्याला जाहीर करण्यात येणाऱ्या औद्योगिक कामगारांच्या ग्राहक किंमत निर्देशांकाच्या (सीपीआय-आयडब्ल्यू) आधारे ठरवला जातो. लेबर ब्युरो ही कामगार मंत्रालयाची एक शाखा आहे.
महागाई भत्त्यात चार टक्के वाढ करण्याची मागणी
ऑल इंडिया रेल्वेमेन्स फेडरेशनचे सरचिटणीस शिव गोपाल मिश्रा यांनी पीटीआयला सांगितले की, जून 2023 साठी सीपीआय-आयडब्ल्यू 31 जुलै 2023 रोजी जारी करण्यात आला होता. महागाई भत्त्यात चार टक्के वाढ करण्याची आमची मागणी आहे. पण सरकार महागाई भत्त्यात तीन टक्के वाढ करू शकते. तो ४५ टक्के असण्याची शक्यता आहे.
महागाई भत्त्यात वाढ करण्याचा प्रस्ताव तयार
अर्थ मंत्रालयाचा खर्च विभाग महसुली परिणामांसह महागाई भत्त्यात वाढ करण्याचा प्रस्ताव तयार करेल आणि तो प्रस्ताव केंद्रीय मंत्रिमंडळासमोर मंजुरीसाठी ठेवेल, अशी माहितीही त्यांनी दिली. महागाई भत्त्याची वाढ १ जुलै २०२३ पासून लागू होणार आहे.
कर्मचारी आणि पेन्शनधारकांना फायदा
सध्या केंद्र सरकारचे एक कोटीहून अधिक कर्मचारी आणि पेन्शनधारकांना ४२ टक्के महागाई भत्ता मिळत आहे. महागाई भत्त्यात शेवटची सुधारणा 24 मार्च 2023 रोजी करण्यात आली होती आणि 1 जानेवारी 2023 पासून लागू झाली.
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
