17 May 2024 8:54 AM
अँप डाउनलोड
बातम्या फ्लॅश
Horoscope Today | तुमचे शुक्रवारचे राशिभविष्य | 17 मे 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या Zen Technologies Share Price | हा स्टॉक खरेदी करा, अवघ्या 4 वर्षात 1252% परतावा दिला, ऑर्डरबुक अजून मजबूत झाली Tata Motors Share Price | टाटा मोटर्स शेअरला टेक्निकल सेटअपवर मजबूत सपोर्ट, मोठ्या कमाईसाठी तयार राहा Vedanta Share Price | वेदांता स्टॉक पैसे झटपट दुप्पट करू शकतो, तज्ज्ञांकडून 'BUY' रेटिंग, कमाईची मोठी संधी Adani Power Share Price | अदानी पॉवर स्टॉक चार्टवर तेजीचे संकेत, 'या' स्टॉक प्राईसच्या पार गेल्यास मोठा परतावा Sterling and Wilson Share Price | कंपनीत रिलायन्सची हिस्सेदारी, 6 महिन्यात 156% परतावा, तज्ज्ञांकडून 'बाय' रेटिंग PSU Stocks | सरकारी कंपनी फ्री बोनस शेअर्सचा पाऊस पाडतेय, गुंतवणुकीची संधी सोडू नका
x

BIG BREAKING | भाजपचा पराभव सहकारी पक्षांनी देखील दिसू लागला? फटाके फोडत AIADMK चा भाजपला रामराम, NDA फुटायला सुरुवात

BIG BREAKING

BIG BREAKING | लोकसभा निवडणुकीपूर्वी भाजपला मोठा धक्का बसला आहे. दक्षिणेत एनडीएला त्यांच्या प्रमुख मित्रपक्षाने सोडले आहे. अण्णाद्रमुकने भाजपसोबतची युती तोडण्याची घोषणा केली आहे. अण्णाद्रमुकने भाजपसोबतची युती कायमची संपुष्टात आल्याची घोषणा केली. एआयएडीएमकेचे उपसमन्वयक के. पी. मुनुसामी यांनी सांगितले की, एआयएडीएमकेने बैठकीत एकमताने एक ठराव मंजूर केला. अण्णाद्रमुक आजपासून भाजप आणि एनडीए आघाडीसोबतचे सर्व संबंध तोडत आहे.

घोषणा होताच चेन्नईत कार्यकर्त्यांनी फटाके फोडले
भाजपचे प्रदेश नेतृत्व गेल्या वर्षभरापासून सातत्याने आमचे माजी नेते, सरचिटणीस ईपीएस आणि आमच्या कार्यकर्त्यांबद्दल अनावश्यक टिप्पणी करत आहे. एआयएडीएमके पक्ष भाजप आणि एनडीएमधून बाहेर पडल्यानंतर चेन्नईत कार्यकर्त्यांनी फटाके फोडले.

पुढील युतीबाबत असे सांगितले
एआयएडीएमकेने सोमवारी भारतीय जनता पक्षाच्या नेतृत्वाखालील आघाडीतून बाहेर पडण्याची घोषणा केली. 2024 च्या लोकसभा निवडणुकीसाठी वेगळ्या आघाडीचे नेतृत्व करणार असल्याचे पक्षाने म्हटले आहे. एआयएडीएमके मुख्यालयात पक्षप्रमुख पलानीस्वामी यांच्या अध्यक्षतेखाली झालेल्या उच्चस्तरीय बैठकीत एनडीएतून बाहेर पडण्याचा निर्णय घेण्यात आला. या बैठकीत झालेल्या चर्चेची माहिती देताना माजी मंत्री आणि ज्येष्ठ नेते के. पी. मुनुसामी म्हणाले की, पक्षाने एनडीएतून बाहेर पडण्याचा आणि पुढील वर्षी होणाऱ्या निवडणुकीत समविचारी पक्षांच्या आघाडीचे नेतृत्व करण्याचा एकमताने निर्णय घेतला आहे.

तामिळनाडूतील दिग्गजांची बदनामी केल्याचा आरोप
मंजूर केलेल्या ठरावात कोणाचेही नाव न घेता म्हटले आहे की, भाजपचे राज्य नेतृत्व प्रसिद्ध द्रविड व्यक्तिमत्त्व दिवंगत सी. एन. अण्णादुराई आणि दिवंगत मुख्यमंत्री जयललिता यांची बदनामी करत आहे तसेच अलीकडे पक्षाच्या धोरणांवर टीका करीत आहे. भाजपचे प्रदेशाध्यक्ष के. अन्नामलाई यांच्या वक्तव्यामुळे अण्णाद्रमुक नाराज होती आणि अण्णादुराई यांच्याविषयी त्यांनी नुकत्याच केलेल्या वक्तव्यांमुळे दोन्ही पक्षांमध्ये दुरावा निर्माण झाला होता.

या बैठकीला पक्षाचे प्रमुख पदाधिकारी तसेच जिल्हा सचिव, आमदार, खासदार उपस्थित होते. पक्षाच्या मुख्यालयात फटाके फोडताना मुनुसामी म्हणाले की, एकमताने घेतलेल्या या निर्णयामुळे दोन कोटींहून अधिक कार्यकर्त्यांच्या भावना आणि आकांक्षांचा आदर झाला आहे.

News Title : BIG BREAKING AIADMK ends alliance with BJP and NDA before Loksabha Election 26 September 2023.

हॅशटॅग्स

#BIG BREAKING(15)

संबंधित बातम्या

राहुन गेलेल्या बातम्या

x