Senior Citizen Saving Scheme | खासगी क्षेत्रातील प्रसिद्ध बंधन बँकेने नववर्षाच्या निमित्ताने ज्येष्ठ नागरिकांना मोठी भेट दिली आहे. बंधन बँकेने ‘इन्स्पायर’ योजना सुरू केली असून, त्याअंतर्गत 500 दिवसांच्या मुदत ठेवीवर ज्येष्ठ नागरिकांना वार्षिक 8.35 टक्के व्याज दिले जाणार आहे.
‘इन्स्पायर’मुळे आरोग्यसेवेच्या लाभांबरोबरच बँकिंगचा अनुभवही वाढेल, असे बँकेने स्पष्ट केले आहे. बँकेच्या ज्येष्ठ नागरिक ग्राहकांसाठी प्राधान्यव्याजदर, प्राधान्य बँकिंग सेवा आणि घरपोच बँकिंग सुविधा असे सध्याचे फायदे यात देण्यात येणार आहेत.
बंधन बँकेचे शाखा बँकिंग प्रमुख सुजॉय रॉय म्हणाले, ‘प्रत्येक वयात आर्थिक स्वातंत्र्याचे महत्त्व आणि गरज आम्ही ओळखतो. बंधन बँकेने ज्येष्ठ नागरिकांसाठी काळजीपूर्वक डिझाइन केलेली बेनिफिट ऑफर आणली आहे.
बंधन बँक ज्येष्ठ नागरिकांना एफडीवर आकर्षक व्याज दर देत आहे. ज्येष्ठ नागरिकांना 500 दिवसांच्या एफडीवर 8.35% व्याज दर मिळू शकतो. बँकेने म्हटले आहे की, ज्येष्ठ नागरिकांना टॅक्स सेव्हर एफडीसाठी 7.5% व्याजदराचा लाभ घेता येईल.
ज्येष्ठ नागरिकांना मिळणार ‘हे’ फायदे
बंधन बँकेने सांगितले की, ‘इन्स्पायर’ कार्यक्रमात औषधांची खरेदी, निदान सेवा आणि वैद्यकीय उपचारांवर विशेष सूट यासारखे लाइफ केअर बेनिफिट्स देखील दिले जातात.
या व्यतिरिक्त, भागीदार आरोग्य सेवा प्रदात्यांमार्फत डॉक्टरांचा सल्लामसलत, वैद्यकीय तपासणी आणि दंत काळजी वर सवलत देखील दिली जाते. ज्येष्ठ नागरिक ग्राहकांचा बँकिंग अनुभव सुलभ करण्यासाठी बँक फोन बँकिंग ऑफिसरला थेट प्रवेश देण्यासारख्या अतिरिक्त सुविधा जोडण्याची योजना आखत आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
