7th Pay Commission | सरकारी कर्मचाऱ्यांसाठी 'हा' दिवस महत्वाचा, DA - HRA सह पगार वाढणार की निर्णय पुढे ढकलला जाणार?

7th Pay Commission | केंद्र सरकारच्या अखत्यारित काम करणाऱ्या कर्मचाऱ्यांना मार्च २०२४ मध्ये महागाई भत्त्यात ४ टक्के वाढ होण्याची शक्यता आहे. सरकार महागाई भत्ता (डीए) आणि महागाई मदत (डीआर) या दोन्हींमध्ये वाढ करणार आहे.

महागाई भत्ता साधारणत: वर्षातून दोनदा सुधारित केला जातो – जानेवारी आणि जुलैमध्ये. मार्च २०२४ अखेरपर्यंत महागाई भत्ता वाढीची घोषणा होण्याची शक्यता आहे. होळी आणि सार्वत्रिक निवडणुकीपूर्वी सरकारी कर्मचाऱ्यांना आनंदाची बातमी मिळू शकते.

डीए गणना समजून घ्या
कर्मचारी आणि पेन्शनधारकांच्या महागाई भत्त्यात झालेली वाढ कामगार ब्युरोने दर महा जाहीर केलेल्या ताज्या ग्राहक किंमत निर्देशांक (सीपीआय-आयडब्ल्यू) चा विचार करून मोजली जाते. यापूर्वी ऑक्टोबर 2023 मध्ये महागाई भत्ता 4 टक्क्यांनी वाढवून 46 टक्के करण्यात आला होता. महागाई भत्त्यात 4 टक्के वाढ अपेक्षित असल्याने एकूण महागाई भत्ता 50 टक्क्यांपर्यंत पोहोचेल.

1 कोटी लोकांना होणार फायदा
नियोजित महागाई भत्ता वाढीचा फायदा केंद्र सरकारच्या 48.67 लाख कोटी कर्मचाऱ्यांना आणि 67.95 लाख सध्याच्या पेन्शनधारकांना होणार आहे. यापूर्वी निमलष्करी दलांसह गट क आणि अराजपत्रित गट ब स्तरावरील अधिकाऱ्यांना दिवाळी बोनस सरकारने मंजूर केला होता.

केंद्र सरकारच्या कर्मचाऱ्यांचा महागाई भत्ता हा देशातील महागाई दरावर आधारित असतो. महागाईचा दर जास्त असेल तर महागाई भत्त्यात आणखी वाढ होण्याची शक्यता आहे.

महागाई भत्ता : तुमच्या पगाराची गणना कशी करावी
सरकारी कर्मचाऱ्यांसाठी : महागाई भत्त्याची गणना — {(अखिल भारतीय ग्राहक किंमत निर्देशांकाची सरासरी (आधार वर्ष -2001 = 100) मागील 12 महिन्यांतील -115.76)/115.76} x 100 म्हणून केली जाते.

केंद्रीय सार्वजनिक क्षेत्रातील कर्मचाऱ्यांसाठी महागाई भत्त्याची गणना गेल्या 3 महिन्यांतील — {(अखिल भारतीय ग्राहक किंमत निर्देशांकाची सरासरी (आधार वर्ष -2001 = 100) -126.33)/126.33} x 100 म्हणून केली जाते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : 7th Pay Commission Updates Check Details 29 February 2024.