IREDA Share Price | आयआरईडीए या सरकारी कंपनीचे शेअर्स शुक्रवारी 2 टक्के वाढीसह ट्रेड करत होते. ओपनींगच्या वेळी शेअर किंचित घसरणीसह खुला झाला होता. मात्र नंतर त्यात थोडी रिकव्हरी पाहायला मिळाली होती. इंट्रा-डे ट्रेडमध्ये हा स्टॉक 1.88 टक्क्यांच्या घसरणीसह 174.90 रुपये किमतीवर पोहचला होता. शुक्रवार दिनांक 7 जून 2024 रोजी आयआरईडीए स्टॉक 1.46 टक्क्यांच्या वाढीसह 180.85 रुपये किमतीवर क्लोज झाला होता.
शेअर बाजारातील तज्ञांच्या मते, आयआरईडीए स्टॉकने 160 रुपये किमतीवर मजबूत सपोर्ट निर्माण केला आहे. आणि या स्टॉकला 190 रुपये किमतीवर मजबूत प्रतिकार पाहायला मिळत आहे. जर हा स्टॉक 190 रुपये किमतीच्या पार गेला तर अल्पावधीत शेअर 230-240 रुपये किमतीवर जाऊ शकतो.
प्रभुदास लीलाधर फर्मच्या तज्ञांच्या मते, आयआरईडीए स्टॉकमध्ये 155 रुपये किमतीवर सपोर्ट पाहायला मिळत आहे. आणि 195 रुपये किमतीवर या स्टॉकला प्रतिकार मिळत आहे. जर हा स्टॉक प्रतिकार पातळीच्या पार गेला तर शेअर 230 रुपये किमतीवर जाऊ शकतो. आयआरईडीए कंपनीचे शेअर्स 29 नोव्हेंबर 2023 रोजी 32 रुपये किमतीवर सूचीबद्ध झाले होते. लिस्टिंगच्या दिवशी हा स्टॉक 50 रुपये किमतीवर पोहचला होता. त्यानंतर दिवसभरात शेअरने 59.99 रुपये ही उच्चांक किंमत स्पर्श केली होती.
6 फेब्रुवारी 2024 रोजी या कंपनीचे शेअर्स 215 रुपये या आपल्या विक्रमी उच्चांक किंमत पातळीवर पोहचले होते. मार्च 2024 तिमाहीत आयआरईडीए कंपनीने मागील वर्षीच्या तुलनेत 33 टक्के वाढीसह 337.4 कोटी रुपये निव्वळ नफा कमावला होता. या कंपनीला एप्रिल 2024 मध्ये नवरत्न दर्जा बहाल करण्यात आला आहे. आणि 2030 पर्यंत कंपनीने महारत्न दर्जा मिळवण्याची योजना आखली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
