Bonus Share News | शक्ती पंप्स इंडिया कंपनीचे शेअर्स मागील काही दिवसांपासून अप्पर सर्किट हीट करत आहेत. सोमवारी देखील या कंपनीचे (NSE: SHAKTIPUMP) शेअर्स 5 टक्के वाढीसह 4295.45 रुपये किमतीवर पोहोचले होते. या कंपनीच्या शेअरमध्ये वाढ होण्याचे मुख्य कारण म्हणजे, कंपनीने 7 ऑक्टोबर 2024 रोजी आपल्या संचालक मंडळाची बैठक आयोजित केली आहे. या बैठकीत कंपनीचे संचालक आपल्या पात्र गुंतवणूकदारांना 5:1 या प्रमाणात मोफत बोनस शेअर्स वाटप करण्याचा निर्णय घेऊ शकतात. (शक्ती पंप्स इंडिया कंपनी अंश)
आज मंगळवार दिनांक 1 ऑक्टोबर 2024 रोजी शक्ती पंप्स इंडिया कंपनीचे शेअर्स 5.00 टक्के वाढीसह 4,484.15 रुपये किमतीवर क्लोज झाले आहे. या कंपनीने बोनस शेअर वाटप करण्याची रेकॉर्ड तारीख अद्याप जाहीर केलेली नाही.
बोनस शेअर्स
शेअर बाजारात सूचीबद्ध असलेल्या अनेक कंपन्या त्यांचे राखीव भांडवल उपयोगात आणण्यासाठी, प्रति शेअर कमाई आणि पेड-अप भांडवल वाढवण्यासाठी तसेच राखीव रक्कम कमी करण्यासाठी आपल्या पात्र गुंतवणूकदारांना मोफत बोनस शेअर्स वाटप करत असतात. बोनस शेअर मिळवण्यासाठी फक्त तेच गुंतवणूकदार पात्र असतात ज्यांच्या पोर्टफोलिओमध्ये कंपनीचे शेअर्स रेकॉर्ड तारीखपूर्वी खरेदी केलेले असतात. जर एखाद्या गुंतवणूकदाराने एक्स तारखेला किंवा नंतर शेअर्स खरेदी केले तर त्यांना बोनस शेअर मिळणार नाही.
शेअरने 5 वर्षात 1500% परतावा दिला
शक्ती पंप्स कंपनीच्या प्रवर्तकांकडे जून तिमाहीच्या अखेरीस 51.58 टक्के भागभांडवल होते. 2024 या वर्षात शक्ती पंप्स इंडिया कंपनीचे शेअर्स 314 टक्के वाढले. मागील एका वर्षात या कंपनीच्या शेरनी आपल्या गुंतवणूकदारांना 390 टक्के परतावा कमावून दिला आहे. मागील पाच वर्षात या कंपनीच्या शेअर्सनी आपल्या गुंतवणूकदारांचे पैसे 1500 टक्के वाढवले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
