मुंबई : हिरो मोटोक्रॉप जी देशभरातील सगळ्यात मोठी दुचाकी बनवणारी व विकणारी कंपनी आहे , तिने आपल्या ग्राहकांसाठी एक नवीन सेवा चालू केली आहे. मुंबई, बंगळूरू व नॉयडा ह्या शहरांपासून सुरुवात करून हिरो ग्राहकांना होम डिलिव्हरी देण्यास सुरुवात केली आहे. ह्या होम डिलिव्हरी ची किंमत केवळ ₹३४९
इतकी असणार असून ह्यासाठी HGPmart.com या साईट वरूनच गाडी घेणे बंधनकारक असणार आहे.
HGPmart.com ही एक इ – कॉमर्स वेबसाईट असून ह्यावर ग्राहकांना हिरोच्या विविध दुचाकी बघता येणार आहेत. त्याच प्रमाणे गाडीचा रंग देखील निवडता येणार आहे. त्यानंतर ग्राहकांना आपले राज्य व शहर टाकून, कोणत्या डिलर कडून डिलिव्हरी हवी आहे हे निवडता येईल व डिलर घरी येऊन गाडी खरेदीसाठी आवश्यक कागदपत्र घेऊन जाईल. त्यानंतर पेमेंट व आर. टी.ओ. ची कामे पूर्ण झाल्या नंतर ग्राहकाला गाडीची डिलिव्हरी मिळेल.
