श्रीहरिकोटा: भारतीय अंतराळ संशोधन केंद्रातून नवनवे विक्रम प्रस्तापित केले जात आहेत आणि त्यात अनेक विक्रमांची भर पडत आहे. इस्त्रोने (ISRO) इतिहास रचला असून १६२५ किलो वजनाच्या ‘कार्टोसॅट-३’ उपग्रहाचे प्रक्षेपण करण्यात आलं आहे. पीएसएलव्ही सी ४७ या ध्रुवीय उपग्रह प्रक्षेपकाच्या मदतीने ‘कार्टोसॅट-३’ उपग्रहाचे प्रक्षेपण करण्यात आलं. ‘कार्टोसॅट-३’ उपग्रहासह अमेरिकेतील १३ व्यावसायिक लघु उपग्रह अवकाशात सोडण्यात आले आहेत. आंध्रप्रदेशच्या श्रीहरिकोटा (Shriharikota Satish Dhawan Center) येथील सतिश धवन स्पेस सेंटर लॉन्च पॅडहून हे प्रक्षेपण करण्यात आलं. पृथ्वीची छायाचित्रं काढण्यासाठी, तसंच नकाश निर्मितीसाठी ‘कार्टोसॅट-३’ उपग्रह उपयुक्त ठरणार आहे.

पीएसएलव्ही-सी ४७ (PSLV-C 47) च्या प्रक्षेपण मोहिमेच्या २६ तासांच्या उलटमोजणीला मंगळवारी सकाळी ७.२८ वाजता श्रीहरिकोटात सतीश धवन स्पेस सेंटरवर सुरुवात झाल्याची माहिती इस्रोने दिली होती. यंदाच्या वर्षात इस्रो कार्टोसॅट-३ उपग्रह सोडला आहे. संरक्षणाच्या दृष्टीने कार्टोसॅट-३ (Cartosat-3) महत्त्वाची भूमिका बजावेल. अवकाशातून भारतीय जमिनीवर लक्ष ठेवण्याच्या उद्देशाने कार्टोसॅट-३ चे प्रक्षेपण करण्यात आले.

‘इस्रो’ची अवकाशात भरारी, ‘कार्टोसॅट-३’ अवकाशात झेपावलं