शिवसेना सत्तेसाठी हिरवी झाल्यामुळेच......भाजपाची प्रतिक्रिया

मुंबई: महाराष्ट्र नवनिर्माण सेनेच्या महाअधिवेशनापासून राज ठाकरे हिंदुत्वाची भूमिका घेणार असल्याचं आता स्पष्ट झालंय. महाविकास आघाडीमुळे शिवसेना हिंदुत्वावर मवाळ झालीय. तर आता मनसे कात टाकत हिंदुत्वावर आक्रमक होणार आहे. मनसेच्या नेत्यांनी त्यावर बोलायला सुरुवात केलीय. महाराष्ट्र नवनिर्माण सेनेचे नेते अविनाश जाधव यांनी तर एक पाऊल पुढे जात राज ठाकरे हे दुसरे हिंदुह्रदयसम्राट असतील असं मत व्यक्त केलं होतं. त्यावर आता राजकीय क्षेत्रातून प्रतिक्रिया यायला सुरुवात झालीय. भारतीय जनता पक्षाचे प्रवक्ते गणेश हाके यांनी गंभीर आरोप करत राज ठाकरेंच्या नव्या भूमिकेमागे एनसीपीचे अध्यक्ष शरद पवारांचं डोकं असल्याचा आरोप केलाय.

महाराष्ट्र नवनिर्माण सेनेच्या बदललेल्या झेंड्यामागे वेगळंच राजकारण असल्याचं हाकेंनी सांगितलं. ‘या सगळ्यामागे शरद पवारांचं डोकं आहे. शिवसेना सत्तेसाठी हिरवी झाली आहे. त्यामुळे हिंदूंची एकगठ्ठा मतं आता भारतीय जनता पक्षाकडे जाऊ शकतात. याच मतांचं विभाजन करण्यासाठी महाराष्ट्र नवनिर्माण सेनेने त्यांचा झेंडा बदलला आहे. या सगळ्यामागे शरद पवारांचा हात आहे. त्यांच्याकडूनच महाराष्ट्र नवनिर्माण सेनेचे प्रमुख राज ठाकरेंना प्रोत्साहन दिलं जात आहे,’ असा दावा हाकेंनी केला.

दरम्यान, केंद्रीय गृहमंत्री आणि भारतीय जनता पक्षाचे नेते अमित शाह यांनी शिवसेना प्रमुख बाळासाहेब ठाकरे यांच्या जयंतीनिमित्त अभिवादन केलं आहे. बाळासाहेब ठाकरे नेहमीच आपल्या भूमिकांवर ठाम राहिले. त्यांनी आपल्या विचारधारेशी कधीही तडजोड केली नाही, असंही अमित शाह यांनी आपल्या ट्विटमध्ये नमूद केलं आणि शिवसेनेला अप्रत्यक्ष टोला लगावला.

Remembering Balasaheb Thackeray Ji on his Jayanti. Balasaheb Ji was a brilliant intellect of his time, always mesmerised the masses with his oratory skills. He always stood firm and never compromised with his ideals, Balasaheb Ji’s life and his values will continue to inspire us.

— Amit Shah (@AmitShah) January 23, 2020

Tributes to the great Balasaheb Thackeray on his Jayanti. Courageous and indomitable, he never hesitated from raising issues of public welfare. He always remained proud of Indian ethos and values. He continues to inspire millions.

— Narendra Modi (@narendramodi) January 23, 2020

Web Title:  BJP Leader Ganesh Hake hits out NCP Chief Sharad Pawar after MNS unveils its New Flag.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.