चंद्रकांत खैरे आयुष्यात पुन्हा कधीही खासदार होणार नाहीत: मनसे नेते हर्षवर्धन जाधव
मुंबई : भारतीय जनता पक्षाचे ज्येष्ठ नेते व केंद्रीय राज्यमंत्री रावसाहेब दानवे यांचे जावई व शिवसेनेचे माजी आमदार हर्षवर्धन जाधव यांनी आज पुन्हा एकदा महाराष्ट्र नवनिर्माण सेनेत प्रवेश केला. पक्षप्रवेशानंतर मराठवाड्यात जोमानं कामाला लागणार असल्याचं सांगतानाच, जाधव यांनी शिवसेनेचे नेते चंद्रकांत खैरे यांच्यावर टीकेची तोफ डागली. ‘चंद्रकांत खैरे हे आयुष्यात पुन्हा कधीही खासदार होणार नाहीत, असं भाकीतही त्यांनी वर्तवलं.
हर्षवर्धन जाधव हे २००९ साली मनसेच्या तिकिटावर विधानसभेत निवडून गेले होते. त्यानंतर त्यांनी महाराष्ट्र नवनिर्माण सेनेला रामराम ठोकून शिवसेनेत प्रवेश केला. मधल्या काळात अंतर्गत वादामुळं शिवसेनेला ‘जय महाराष्ट्र’ त्यांनी स्वत:चा पक्ष काढला. तसंच, औरंगाबादमधून अपक्ष म्हणून लोकसभा निवडणूक लढवली. त्यात त्यांचा पराभव झाला खरा, मात्र त्यांनी तीन लाखांच्या जवळपास मतं घेतली. त्यांच्या या मुसंडीमुळं शिवसेनेचे दिग्गज नेते खैरे यांचा पराभव झाला आणि एमआयएमचा उमेदवार निवडून आला.
मुंबई आणि देशभरात घुसलेल्या बांगलादेशी आणि पाकिस्तानी घुसखोरांविरोधात महाराष्ट्र नवनिर्माण सेनेने रविवारी महामोर्चा आयोजित केला आहे. दरम्यान, या महामोर्चापूर्वी मनसेमध्ये मोठ्या प्रमाण इनकमिंगला सुरुवात झाली आहे. आज कृष्णकुंजवर राज ठाकरेंच्या उपस्थितीत शिवसेनेचे कन्नडचे माजी आमदार हर्षवर्धन आणि प्रमोद महाजन यांचे बंधू प्रकाश महाजन यांनी महाराष्ट्र नवनिर्माण सेनेत जाहीर प्रवेश केला.
हर्षवर्धन जाधव आणि प्रकाश महाजन यांच्यासह शिवसेनेचे लोकसभा सहसंपर्कप्रमुख सुहास दशरथे यांनी देखील मनसेत प्रवेश केला आहे.
नांदेडचे माजी जिल्हाप्रमुख प्रकाश कौडगे यांनीही महाराष्ट्र नवनिर्माण सेनेत प्रवेश केला आहे, ते शिवसेनेचे नांदेडमधील प्रमुख पदाधिकारी होते.#MNSAdhirkut pic.twitter.com/3xHn0G0Vgr
— महाराष्ट्रनामा न्यूज (@MahanamaNews) February 8, 2020
दरम्यान, हर्षवर्धन जाधव आणि प्रकाश महाजन यांच्यासह शिवसेनेचे लोकसभा सहसंपर्कप्रमुख सुहास दशरथे यांनी देखील मनसेत प्रवेश केला आहे. मनसेने भगव्या हिंदुत्वाचा राजकीय मार्ग स्वीकारल्यानंतर पक्षात मोठ्या प्रमाणावर शिवसेनेतील नेत्यांनी प्रवेश करण्यास सुरुवात झाली आहे आणि त्यात मराठवाड्यातील शिवसेना पदाधिकाऱ्यांचा सर्वाधिक समावेश आहे. त्यात २-३ महिन्यावर आलेल्या औरंगाबाद महानगर पालिकेच्या निवडणुकीत मनसे हिंदुत्वाच्या अजेंड्यावर लढणार असल्याने स्थानिक पातळीवर मोठी उलथापालथ होण्याची शक्यता आहे. नांदेडचे माजी जिल्हाप्रमुख प्रकाश कौडगे यांनीही महाराष्ट्र नवनिर्माण सेनेत प्रवेश केला आहे, ते शिवसेनेचे नांदेडमधील प्रमुख पदाधिकारी होते.
#मनसे_महामोर्चा च्या पूर्वसंध्येला मनसे अध्यक्ष श्री.राजसाहेब ठाकरे ह्यांच्या उपस्थितीत श्री. प्रकाश महाजन, माजी आमदार श्री. हर्षवर्धन जाधव, औरंगाबाद शिवसेना नेते श्री. सुहास दशरथे, नांदेडचे शिवसेना जिल्हाप्रमुख श्री. प्रकाश कौदगे ह्यांचा महाराष्ट्र नवनिर्माण सेनेत जाहिर प्रवेश. pic.twitter.com/gIQt62698Z
— MNS Adhikrut (@mnsadhikrut) February 8, 2020
राज ठाकरे देखील महामोर्चा पार पडल्यानंतर लगेचच मराठवाड्याच्या दौऱ्यावर जाणार असल्याने मराठवाडा मनसेच्या अग्रस्थानी असणार आहे. लवकरच औरंगाबाद, नवी-मुंबई आणि कल्याण-डोंबिवली या महत्वाच्या महानगर पालिकेच्या निवडणुका असल्याने मनसे पूर्ण ताकदीने या निवडणुकीत उतरणार असल्याचं पक्षाने स्पष्ट केलं असून तसेच संकेत सध्या या मेगाभरतीतून मिळत आहेत.
उद्या राज ठाकरे यांच्या नेतृत्वात महाराष्ट्र नवनिर्माण सेनेकडून ९ फेब्रुवारीला मुंबईत महामोर्चाचं आयोजन करण्यात आलं आहे. बांगलादेशी आणि पाकिस्तानी घुसखोरांना हाकलून द्या, अशी मागणी महाराष्ट्र नवनिर्माण सेनेच्या या मोर्चाद्वारे करण्यात येणार आहे. परंतु मोर्चाच्या काही तास आधी मुंबई पोलिसांकडून महाराष्ट्र नवनिर्माण सेनेच्या कार्यकर्त्यांना आणि पदाधिकाऱ्यांना नोटीस पाठवण्यात आल्याची माहिती आहे. विशेष म्हणजे स्वतः राज ठाकरे मोर्चात सहभागी होणार असल्याने कार्यकर्त्यांमध्ये प्रचंड उत्साह आहे.
Web Title: Ex MLA Harshvardhan Jadhav says Chandrakant Chaire will never MP again in future.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Penny Stocks | गरिबांना सुद्धा खरेदीला परवडतील हे 10 पेनी शेअर्स, अप्पर सर्किट हीट गतीने पैसा वाढतोय
- 7th Pay Commission | सरकारी कर्मचाऱ्यांचं टेन्शन वाढवणारी अपडेट, थेट महागाई भत्ता आणि HRA होणार परिणाम
- Bonus Shares | फ्री शेअर्स मिळवा! मल्टिबॅगर शेअरवर मिळतील फ्री बोनस शेअर्स, 1 वर्षात 462 टक्के परतावा दिला
- Amara Raja Share Price | मार्ग श्रीमंतीचा! हा शेअर खरेदी करा, अवघ्या 5 दिवसात दिला 33 टक्के परतावा
- Penny Stocks | 10 पेनी शेअर्स जे अवघ्या 1 रुपया ते 9 रुपयांमध्ये खरेदी करू शकता, संयमातून श्रीमंत होऊ शकता
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल