पवार साहेबांमुळे कायमची सकाळी लवकर उठायची सवय लागली: अजित पवार
पुणे: ‘काम चांगलं झालं तर किरकोळ चुका देखील पोटात घेऊ, पण कामं झाली नाहीत, तर साईड पोस्टिंगचा पर्याय वापरू,’ असा सज्जड दम उपमुख्यमंत्री अजित पवार यांनी कामचुकार अधिकाऱ्यांना भरला. पुणे शहरातील चुकलेल्या उड्डाणपुलांच्या बाबतीत काही तरी निर्णय घ्यावाच लागले, असं मत अजित पवार यांनी व्यक्त केलं.
झोपडपट्टी पुनर्वसन प्राधिकरण कार्यालयाचे उदघाटन उपमुख्यमंत्री अजित पवार यांच्या हस्ते करण्यात आले. यावेळी उपसभापती डॉ नीलम गोऱ्हे, गृहनिर्माण मंत्री जितेंद्र आव्हाड, आमदार सिद्धार्थ शिरोळे, महापौर मुरलीधर मोहोळ आदी उपस्थित होते. पुढे उपस्थित अधिकाऱ्यांशी संवाद साधताना अजित पवार म्हणाले की, आज पुण्यात एसआरए प्रकल्पाच्या कार्यालयाचे उदघाटन झाले आहे. या प्रशस्त कार्यालयाचे भाडे महिन्याला बारा लाख रुपये आहे. त्यामुळे या कार्यालयात येणार्या प्रत्येक सर्व सामान्य नागरिकाचे समाधान होईल. असे काम करा, असा सल्ला देखील त्यांनी यावेळी अधिकारी वर्गाला दिला.
आज, झोपडपट्टी पुनर्वसन प्राधिकरण,पुणे व पिंपरी चिंचवड क्षेत्राच्या नवीन मुख्य कार्यालयाच्या उद्घाटन समारंभ कार्यक्रमात सहभागी झालो. सदर कार्यालयात अधिकारी-कर्मचाऱ्यांसाठी चांगल्या सुविधा उपलब्ध करून देण्यात आल्या आहेत. मात्र,तशा पद्धतीचं कामही याठिकाणी झालं पाहिजे,असं सूचित केलं.
— Ajit Pawar (@AjitPawarSpeaks) February 8, 2020
तसेच ते पुढे म्हणाले की, अधिकाऱ्यांनी फार नियमांवर बोट ठेऊन चालू नये, त्यातून व्यवहारी मार्ग काढा, मी तर आता झोपूंच्या प्रकल्पांचा दर आठवड्यालाच आढावा घेणार असल्याचे त्यांनी सांगितले. पुणे विद्यापीठ चौकातील एक दोन उड्डाण पूल चुकीच्या पद्धतीने बांधले गेल्याचं अनेकांचे म्हणणे आहे. त्यावर काहीतरी निर्णय घ्यावाच लागणार असल्याचे अजित पवार म्हणाले.
पुणे,पिंपरी-चिंचवडच्या झोपडपट्टी धारकांना सर्व सुविधायुक्त हक्काची घरं मिळवून देण्यासाठी राज्य सरकार कटिबद्ध आहे.वर्षभरात अधिकाधिक घरं देण्यासाठी सरकार प्रयत्नशील राहील.प्राधिकरण अधिकारी-कर्मचाऱ्यांनी झोपडपट्टी धारकांना चांगल्या सुविधा तत्काळ उपलब्ध करून देण्याबाबत निर्देश दिले. pic.twitter.com/IU5DpcR4tW
— Ajit Pawar (@AjitPawarSpeaks) February 8, 2020
त्यानंतर गृहनिर्माण मंत्री जितेंद्र आव्हाड म्हणाले की, ‘दादांचा जेवढा उरक आहे, तेवढा आमचा नसेल कदाचित. कारण दादांनी लावला सकाळी १० वाजता कार्यक्रम. मी निघालो ठाण्याहून. काल रात्रीचा माझा कार्यक्रम. कारण मी बंगल्यावरच बसतो १०-११ वाजेपर्यंत. तेव्हा दादा, जरा यापुढचे कार्यक्रम ११ नंतर घेतलेत, तर आमची झोप पूर्ण होत जाईल. प्रवासाचा वेळही तेवढा कमी होईल’ असं जितेंद्र आव्हाड म्हणाले.
पण जितेंद्र आव्हाडांच्या विनंतीला अजित पवारांनीही गमतीने उत्तर दिलं. ‘गमतीचा भाग जाऊ द्या, पण शरद पवार साहेबांचं राजकारण समाजकारण जवळून पाहिलेलं. पवार साहेब मुख्यमंत्री असताना कधी रात्री २ वाजता झोपायचे, तरी सकाळी ७’ला तयार असायचे. ती जी सवय लागली. ती कायमची लागली, तशी सवय तू पण लावून घेतली, तर बरं होईल. सात वाजता निघायचं नाही, कामाला लागायचं. त्यासाठी तिथनं चारला निघाला असतास, तर इथे सातला पोहचला असतास’ अशा कानपिचक्याही अजित पवारांनी लगावल्या.
Web Title: Minister Ajit Pawar suggests Minister Jitendra Awhad to wake up early in fun banter in Pune SRA officers Meet.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Numerology Horoscope | 18 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- Ambuja Cement Share Price | अदानी ग्रुपचा सिमेंट शेअर! कंपनीने नवीन अपडेट दिली, शेअर 35 टक्के वाढणार