दोघांच्या भांडणात तिसऱ्याचा लाभ? अर्थात राष्ट्रवादीचे उमेदवार संजय दीना पाटील यांना?
मुंबई : ईशान्य मुंबईतील उमेदवारी कुणाला द्यायची यावरून भारतीय जनता पक्ष आणि शिवसेना यांच्यावरून मोठं वादंग निर्माण झालं. खासदार किरिट सोमय्या यांचा पत्ता कट करण्यात शिवसेनेला यश देखील आले आहे. पण शिवसेनेने केलेल्या रडीच्या खेळामुळे ईशान्य मुंबईमध्ये युतीने स्वतःचेच हसू करून घेतले आहे. मात्र त्याचा फायदा एनसीपीचे उमेदवार संजय दिना पाटील यांना होऊ शकतो, असे चित्र सध्या या मतदारसंघात निर्माण झाले आहे.
किरिट सोमय्या हे हुशार व कार्यक्षम खासदार म्हणून त्यांची ईशान्य मुंबई मतदारसंघात ख्याती आहे. मुलुंड, भांडूप, कांजूरमार्ग, विक्रोळी, घाटकोपर, मानखुर्द, शिवाजीनगर या परिसरात तळागाळातील लोक सोमय्या यांना ओळखतात. या सगळ्या परिसरात त्यांनी स्वतःची कार्यकर्त्यांची फळी निर्माण केली असून मागील वीस वर्षांत त्यांनी ती जाणीवपूर्वक जपली आहे. पण तरी देखील शिवसेनेच्या विरोधामुळे त्यांना आपली उमेदवारी गमवावी लागली. किरिट सोमय्या यांची जशी तळागाळात ओळख आहे. तशीच ओळख संजय दिना पाटील यांची देखील आहे. संजय पाटील यांनी यापूर्वी आमदार व खासदार म्हणूनही येथून प्रतिनिधित्व केले आहे. मराठी, दलित, आगरी कोळी अशा मतदार वर्गामध्ये पाटील यांची ताकद जास्त आहे. त्यातच मनसेने पाटील यांना जाहीररित्या पाठिंबा दिलेला आहे, तसेच मनसेचं या मतदारसंघात मोठं जाळं असल्याने त्याचा फायदा राष्ट्रवादीला होऊ शकतो.
भारतीय जनता पक्षाने नव्याने उमेदवारी जाहीर केलेल्या मनोज कोटक यांची पोहोच सध्या मुलुंड पुरतीच मर्यादित आहे. मुलुंड बाहेरील ईशान्य मुंबई मतदारसंघात त्यांना कुणीही ओळखत नाही. मुलुंडच्या पलिकडे त्यांना कुणी पाहिलेले सुद्धा नाही. आयत्या वेळी त्यांना उमेदवारी मिळाली आहे. त्यामुळे भाजप व शिवसेना या दोन्ही पक्षांच्या कार्यकर्त्यांच्या बळावरच त्यांना निवडणूक लढवावी लागणार आहे. त्यासाठी त्यांना मोठी अर्थशक्ती कामाला लावावी लागणार आहे. परंतु ती अर्थसंकटी तर संजय दीना पाटील यांच्याकडे देखील आहे आणि विशेष म्हणजे आक्रमक कार्यकर्त्यांची फौज जी संजय दीना पाटलांकडे आहे ती ना सेनेकडे आहे, ना मनोज कोटक यांच्याकडे अशी परिस्थिती आहे.
उमेदवारी देण्यावरून शिवसेनेने इतकी खालची पातळी गाठली की, या उमेदवारीचे हसे झाले आहे. त्यामुळे भाजप व शिवसेनेचे कार्यकर्तेही मनोज कोटक यांचे काम किती ताकदीने करतील याविषयी शंका व्यक्त करण्यात येत आहे. संजय दिना पाटील यांची उमेदवारी १० दिवसांपूर्वीच जाहीर झाली होती. त्यापूर्वी या मिळालेल्या कालावधीत त्यांनी आपली प्रचार यंत्रणा पूर्णपणे बांधून काढली आहे. त्यांच्या कार्यकर्त्यांनी मतदारसंघ पिंजून काढण्यास सुरूवात झाली आहे. प्रचाराचे नियोजन करण्यास भरपूर कालावधी मिळाल्याचा फायदा संजय दिना पाटील यांना होऊ शकतो. मनोज कोटक यांची उमेदवारी आयत्या वेळी जाहीर झाली. त्यामुळे त्यांची प्रचार यंत्रणा सज्ज करण्यास वेळ लागू शकतो. कार्यकर्त्यांच्या बैठका घेणे, त्यांना कार्यतत्पर करणे यातच बराच वेळ जाण्याची शक्यता आहे. शिवसेना-भाजपमधील या सावळ्यागोंधळाचा फायदा संजय पाटील यांना होईल असेही सांगण्यात येत आहे.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Infosys Share Price | भरवशाच्या इन्फोसिस शेअरला 'या' प्राईसवर मजबूत सपोर्ट, तज्ज्ञांनी किती दिली टार्गेट प्राईस?
- Numerology Horoscope | 18 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- Varun Beverages Share Price | मार्ग श्रीमंतीचा! या शेअरने अल्पावधीत दिला 50% परतावा, स्टॉक पुढे किती फायद्याचा?
- Tinna Rubber Share Price | श्रीमंत करतोय हा शेअर! 3 वर्षात 1 लाख रुपयाच्या गुंवतवणुकीवर दिला 4.42 कोटी परतावा