बर्लिन : जर्मनीच्या दोन बारमध्ये बुधवारी रात्री उशिरा गोळीबार झाला आहे. या गोळीबारामध्ये तब्बल 8 जणांचा मृत्यू झाला असल्याची माहिती देण्यात आली आहे. तर यामध्ये अनेकजण गंभीर जखमी झाले आहेत. जर्मनीच्या स्थानिक मीडियाने दिलेल्या माहितीनुसार, अज्ञात हल्लेखोरांनी शहराच्या शिशा बारमध्ये गोळीबार केला. ही घटना स्थानिक वेळेनुसार रात्री १० वाजता घडली आहे.

स्थानिक वृत्तवाहिनींच्या माहितीनुसार हुक्का बारमध्ये हा गोळीबार झाला. पोलिस आरोपींचा शोध घेत आहे. पहिल्या हुक्काबारमध्ये गोळीबारानंतर एक कार तिथून निघून गेल्याचं सीसीटीव्ही कॅमेरात कैद झालं. ८ ते ९ बंदुकीच्या गोळ्या झाडून आरोपी पसार झाला. थोड्याच वेळात काही दूर असलेल्या हुक्का बारमध्ये पुन्हा गोळीबाराची घटना घडली. यात एकूण आठ जणांचा मृत्यू झाला आहे.

बारमध्ये गोळीबार केल्यानंतर अज्ञात व्यक्ती घटनास्थळावरुन फरार झाल्या. सध्या पोलीस बार परिसरात असून हल्लेखोरांचा शोध सुरू आहे. पहिल्या बारमध्ये तिघांचा, तर दुसऱ्या बारमध्ये पाच जणांचा मृत्यू झाला आहे. हनाऊ फ्रँकफर्टपासून २५ किलोमीटर अंतरावर असून इथली लोकसंख्या १ लाखाहून जास्त आहे.

 

Web Title: Story shooting in German city leaves at least eight peoples dead.

जर्मनीत बारमध्ये गोळीबार, ८ जणांचा मृत्यू