घंटा झाली, आता दिवे; चेतन भगत यांचा मोदींना टोला?

मुंबई, ३ एप्रिल: कोरोना विषाणूच्या महामारीमुळे जगात अंधकार पसरला आहे, हा अंधार आपल्याला निरंतर प्रकाशानं दूर करायचा आहे. यासाठी रविवारी ५ एप्रिलला प्रत्येक भारतवासीयांनी ९ मिनिटांचा वेळ द्यायचा आहे. यासाठी रात्री नऊ वाजता सर्वांनी आपल्या घराचे दिवे बंद करायचे आहेत. या नऊ मिनिटांत प्रत्येकांनी दरवाज्यात किंवा बालकनीत उभं राहून मेणबत्ती, दिवा लावून किंवा टॉर्च, मोबाइलची फ्लॅशलाइट सुरु करून अंधकार दूर करायचा आहे, असं आवाहन मोदींनी केलं आहे.

कोरोनाच्या संकटामुळे देशातील गरीब भावंडांमध्ये नैराश्येचं वातावरण आहे, म्हणूनच त्यांना निराशेतून आशेकडे न्यायचं आहे. दारात एक दिवा लावताना आपण या लढाईत एकटं नाही असं एकमेकांना सांगून निराशेचा अंधकार दूर करण्याचा संकल्प करायचा आहे असंही मोदींनी सांगितलं मात्र हे करत असताना कोणीही एकत्र यायचं नाही किंवा रस्त्यावर जमायचं नाही, सोशल डिस्टन्सचं भान ठेवून प्रत्येकानं अनुकरण करायचं आहे असाही संदेश त्यांनी देशवासीयांना दिला आहे.

पंतप्रधान मोदी यांची ही घोषणा ऐकल्यानंतर चेतन भगत यांनी ट्विटवर काही इमोजी शेअर करत सरकारच्या धोरणांवर टीका केली आहे. प्रसिद्ध लेखक चेतन भगत समाजात घडणाऱ्या प्रत्येक घटनेवर व्यक्त होत असतात. विशेष म्हणजे गेल्या काही दिवसापासून चेतन सतत सरकारच्या धोरणांवर टीका करत असतात. यावेळी देखील त्यांनी भाष्य केलं आहे. पंतप्रधान मोदी यांनी घोषणा केल्यानंतर चेतन यांनी घंटा आणि दिवा यांची इमोजी शेअर केली आहे.

🔔 —> 🪔

— Chetan Bhagat (@chetan_bhagat) April 3, 2020

News English Summary: After hearing Prime Minister Modi’s announcement, Chetan Bhagat shared some emoji on Twitter and criticized the government’s policies. Famous writer Chetan Bhagat expresses on every occurrence in society. In particular, for the past few days, Chetan has been constantly criticizing government policies. He has also commented on this time. Chetan has shared the Emoji of the bell and lamp after Prime Minister Modi announced.

News English Title: Story PM Narendra Modi appeal to people 5 April 9 minutes Corona virus Chetan Bhagat reaction Corona Crisis News latest Updates.