पण राज्यात महाविकास आघाडीची शिवभोजन योजना सुरु आहे....मग

मुंबई, १३ एप्रिल: राज्यात दर दिवशी जवळपास ७००-८०० च्या घरात वाढत चाललेली कोरोना रुग्णांची संख्या पाहता उद्या संपणारा केंद्र सरकारचा लॉकडाऊन वाढविण्याची वेळ राज्य सरकारवर आलेली आहे. राज्यात मुंबई-पुणे सर्वाधिक बाधित असले तरीही उपराजधानी नागपूरमध्येही रुग्णांचा आकडा ४९ वर गेलेला आहे. यामुळे राज्यात उद्यापासून पुढील दोन आठवडे म्हणजेच ३० एप्रिलपर्यंत लॉकडाऊन वाढविण्याची घोषणा मुख्यमंत्री उद्धव ठाकरे यांनी केली आहे. दरम्यान या लॉकडाउन’मध्ये गरीब नागरिकांचे मोठ्या प्रमाणावर जेवणाचे हाल झाले आहेत. त्यानिमित्त महाविकास आघाडी सरकारने शिवभोजन योजना मोठ्याप्रमाणावर कार्यान्वित केली आहे.

तर कोरोनाबाधीत क्षेत्रांना अन्न धान्याचा तुटवडा भासू देणार नाही, अशा शब्दांत राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी करोनाच्या छायेखाली सील झालेल्या वस्त्यांना आश्वस्त केले आहे. या पार्श्वभूमीवर गरीबांची गैरसोय होऊ नये यासाठी राज्य सरकारनं पावलं उचलली आहेत. दरम्यान, भाजपाचे नेते आमदार निलेश राणे यांनी शिवसेनेनंतर आता राष्ट्रवादी काँग्रेसला लक्ष करून महाविकास आघाडीवरून खोचक टोला लगावला आहे.

पुणे जिल्हा परिषदेनं करोनाच्या पार्श्वभूमीवर ‘शरज भोजन योजने’ची सुरूवात केली आहे. निराधार दिव्यांग, वृद्ध नागरिक आणि निराधार दुर्धर आजारग्रस्तांसाठी ही योजना असल्याचं सांगण्यात आलं आहे. याअंतर्गत त्यांना दोन वेळचं जेवण पुरवलं जाणार आहे. तसंच गरजू लोकांपर्यंत ही योजना पोहोचवण्याचं आवाहन जिल्हा परिषदेच्या समाज कल्याण विभागाद्वारे करण्यात आलं आहे. यावरून आता नितेश राणे यांनी टीका केली आहे.

छान 👍🏻👍🏻👍🏻
पण…
🤔🤔🤔 pic.twitter.com/k1rIHyHfqF

— nitesh rane (@NiteshNRane) April 12, 2020

यासंदर्भात राणे यांनी एक ट्विट केलं आहे. एका ट्विटमध्ये त्यांनी यासंदर्भातील एक फोटो शेअर केला आहे तसंच त्याला छान… पण… असं कॅप्शनही दिलं आहे. तर दुसऱ्या ट्विटमध्ये त्यांनी पण…राज्यात महाविकास आघाडीची शिव भोजन योजना सगळी कडे सुरु आहे..मग..जनतेत संभ्रम नको म्हणून विचारल.. असं म्हणत महाविकास आघाडीला टोला हाणला आहे.

पण..
राज्यात महा विकास आघाडी ची शिव भोजन योजना सगळी कडे सुरु आहे..
मग..

जनतेत संभ्रम नको म्हणून विचारल..
😊😊😊

— nitesh rane (@NiteshNRane) April 12, 2020

News English Summary: The Pune Zilla Parishad has launched ‘Shaaraj Meal Yojana’ in the backdrop of Korona. It is said to be a scheme for the destitute, the elderly and the destitute. Under this, they will be provided with two meals. Also, the District Welfare Department’s Social Welfare Department appealed to the people to reach out to the scheme. From now on, Nitesh Rane has criticized.

News English Title: Story BJP MLS Nitesh Rane criticize Mahavikas Aghadi NCP over Shiv Bhojan Sharad Bhojan Corona virus lockdown Covid19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.