लॉकडाऊन हा केवळ तात्पुरता पर्याय आहे, ते या आजारावर उत्तर नाही - राहुल गांधी

नवी दिल्ली, १६ एप्रिल: देशभरात कोरोना व्हायरसमुळे तणावाची परिस्थिती असताना मोदी सरकारकडून लागू करण्यात आलेलं लॉकडाऊन आणि येत्या काळात दिसणारे त्याचे परिणाम या मुद्द्यांवर काँग्रेस्या राहुल गांधी यांनी भाष्य केलं. लॉकडाऊनने कोरोनाचा पराभव होणार नाही, हा मुद्दा त्यांनी प्रकर्षाने मांडला.

मी गेल्या काही काळापासून भारत आणि परदेशातील अभ्यासकांसोबत कोविड १९ विषयी संवाद साधत आहे, असं स्पष्ट करत लॉकडाऊन करण्याने कोरोनावर मात करणं शक्य नाही. उलटपक्षी यामध्ये चाचण्या करणं हे सर्वात प्रभावी शस्त्र ठरणार आहे. ज्या पार्श्वभूमीवर त्यांनी चाचण्यांची संख्या वाढवून त्यांची योग्य आखणी करुन देशभरात चाचण्यांचं सत्र सुरु करण्याचा सल्ला सरकारला दिला.

तसेच लॉकडाऊन हा केवळ कोरोना विषाणूचे संक्रमण रोखण्यासाठी तात्पुरता पर्याय आहे. ते काही या आजारावर उत्तर नाही, असे काँग्रेस नेते राहुल गांधी यांनी म्हटले आहे. राहुल गांधी म्हणाले, सध्या आपण सगळेच गंभीर परिस्थितीतून जात आहोत. देशातील सर्व नागरिकांनी आणि राजकीय पक्षांनी अशा वेळी एकत्रितपणेच काम केले पाहिजे. मी कोरोना विषाणू संक्रमणासंदर्भात देशातील आणि परदेशातील अनेक तज्ज्ञांशी बोलत आहे. हा विषय नेमकेपणाने समजून घेत आहोत. त्यातून मला इतकेच दिसले की लॉकडाऊन हा केवळ तात्पुरता पर्याय आहे. ते काही या आजारावर उत्तर नाही.

नरेंद्र मोदी यांच्याशी माझे अनेक गोष्टींबद्दल मतभेद आहेत. परंतु, सध्या वेळ आहे ती करोनाशी लढण्याची… एकत्र येण्याची आणि व्हायरसशी दोन हात करण्याची, असं म्हणत राहुल गांधी यांनी सरकारला सहकार्य करणार असल्याचं स्पष्ट केलं.

News English Summary: Lockdown is only a temporary option to prevent corona virus infection. Congress leader Rahul Gandhi has said that it is not the answer to the disease. Rahul Gandhi said, “At present, we are all in critical condition. All citizens and political parties in the country must work together at such a time. I have been talking to a number of experts from across the country and abroad regarding the Corona virus infection. We understand this topic precisely. So much so that I found that lockdown is only a temporary option. Some of it is not the answer to this illness.

News English Title: Story Lockdown not a solution to fight Covid 19 need to ramp up testing Congress MP Rahul Gandhi News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.