गृहमंत्री फडणवीसांच्या काळातील क्लिप; म्हणाले 'असंच चालायचं महाआघाडी सरकारमध्ये'

मुंबई, २९ एप्रिल: भारतीय जनता पक्षाचे नेते महाविकास आघाडी आणि विशेष करून मुख्यमंत्री उद्धव ठाकरे यांना लक्ष करण्याची एकही संधी सोडत नाहीत. त्यातही धार्मिक वाद कसा वाढेल याची विशेष काळजी घेतली जाते असाच एकूण अनुभव येतो. अगदी त्यासाठी कोणतीही शहानिशा न करताच समाज माध्यमांवर झोड उठवली जाते.

तसाच प्रकार पुन्हा घडल्याचं पाहायला मिळालं आहे. कारण भाजपचे नेते अवधूत वाघ यांनी मुंबई पोलीस आणि एमआयएम’चे माजी आमदार वारीस पठाण यांच्यातील बाचाबाचीचा २०१६ मधील जुना व्हिडिओ शेअर करत महाविकास आघाडीला लक्ष केलं आहे. विशेष म्हणजे त्यांनी या व्हिडिओचा संदर्भ थेट कोरोना आपत्तीतील सोशल डिस्टंसिंगशी जोडत अजब प्रश्न देखील उपस्थित केले आहेत.

त्यात त्यांनी व्हिडिओ ट्विट करताना म्हटलं आहे, ‘MIM पक्षाचे भायखळा येथील माजी आमदार वारिस पठाण यांची दादागिरी बघा. पोलिसांना खुलेआम धमकावत आहेत. फिजीकल डिस्टंसिंग न पाळता अधिका-यांना भिडत आहेत. हे असंच चालायचं महाआघाडी सरकारमध्ये….विशेष म्हणजे यावेळी त्यांनी पोलीस महासंचालक, मुंबई पोलीस, गृहमंत्री आणि मुख्यमंत्री कार्यालयाला मेन्शन केलं आहे.

MIM पक्षाचे भायखळा येथील माजी आमदार वारिस पठाण यांची दादागिरी बघा.
पोलिसांना खुलेआम धमकावत आहेत.
फिजीकल डिस्टंसिंग न पाळता अधिका-यांना भिडत आहेत.
हे असंच चालायचं महाआघाडी सरकारमधे@DGPMaharashtra @MumbaiPolice @AnilDeshmukhNCP @OfficeofUT pic.twitter.com/x5Aafzs3kW

— Avadhut Wagh (@Avadhutwaghbjp) April 29, 2020

News English Summary: This is because BJP leader Avadhut Wagh has shared an old 2016 video of an altercation between Mumbai Police and former MIM MLA Waris Pathan, drawing attention to the Mahavikas Aghadi. Notably, they also present strange questions linking the reference of this video directly to the social distance in the Corona disaster.

News English Title: Story BJP Leader Avadut Wagh shared old video of Mumbai Police and Waris Pathan and target Mahavikas aghadi News latest Updates.