मान्सूनचं आगमन ४ दिवस उशिराने, केरळमध्ये ५ जूनला दाखल होणार

मुंबई, १५ मे : उकाड्यानं हैराण झालेले नागरिक आणि बळीराजा भाताच्या पेरणीसाठी मान्सूनची आतूरतेनं वाट पाहात असतो. मान्सून वेळत आला तर शेतीची कामं योग्य मार्गी लागतात. मान्सून येण्यास विलंब झाला तर पाऊस लांबणीवर पडण्याची शक्यता असते. जून ते सप्टेंबर या कालावधित चांगला पाऊस होणं हे पाणी शेतीच्या दृष्टीनं फायद्याचं असतं. दक्षिण भारतातून मान्सून उत्तरेकडे येत असतो. यंदा मान्सून ४ दिवस उशिरानं येणार आहे. १ जून ऐवजी ५ जूनला केरळमध्ये दाखल होईल असा अंदाज हवामान विभागाकडून वर्तवण्यात आला आहे.

Forecast for the 2020 SW Monsoon Onset over Kerala

This year, the onset of s-west monsoon over Kerala is likely to be slightly delayed as compared to normal date of onset of 1st June. Its onset over Kerala this year is likely to be on 5th June with a model error of ± 4 days. pic.twitter.com/TRX1miwkUA

— RWFC New Delhi (@RWFC_ND) May 15, 2020

यंदाचा मान्सुनचा पाऊस केरळमध्ये ५ जून रोजी म्हणजे थोडक्यात विलंबाने दाखल होण्याची शक्यता गुरुवारी भारतीय हवामान विभागाने वर्तवली आहे. केरळमध्ये मान्सून दाखल होण्याची सरासरी तारीख १ जून आहे. शिवाय सुधारित वेळापत्रकानुसार मान्सूनचा महाराष्ट्रासह देशातील मुक्कामदेखील वाढला आहे. – कृष्णानंद होसाळीकर, उपमहासंचालक, मुंबई प्रादेशिक हवामान शास्त्र विभाग

यंदाचा मान्सुनचा पाऊस केरळ मध्ये (5 जून: +/- 4 दिवस) उशीरा दाखल होण्याची शक्यता आज भारतीय हवामान विभागाने वर्तवली आहे. सरासरी तारीख १ जून आहे.
तसेच पावसाच्या अागमनाच्या व परतीच्या सुधारीत तारखांचा अहवाल ही आज प्रसिध्द करण्यात आला आहे.https://t.co/JLZ4cFKwOv

— K S Hosalikar (@Hosalikar_KS) May 15, 2020

दिल्लीमध्ये मान्सून २३ जून ऐवजी २७ जून रोजी दाखल होईल तर मुंबईमध्ये १० जून ऐवजी ११ ला दाखल होणार होता त्याऐवजी तो पुढे जाण्याची शक्यता वर्तवण्यात आली आहे. हवामान विभागानं दिलेल्या माहितीनुसार, यंदा मान्सून पाऊस सामान्य होईल. त्यानुसार २०२० मध्ये मान्सून सरासरीच्या १०० टक्के म्हणजे चांगला होईल असा अंदाज वर्तवण्यात आला आहे.

News English Summary: This year’s monsoon rains are likely to arrive in Kerala on June 5, a short delay, the Indian Meteorological Department said on Thursday. The average date of onset of monsoon in Kerala is June 1.

News English Title: We have to wait for the arrival of monsoon this year will arrive in Kerala on 5th June 2020 News Latest Updates.