कोरोनाची लक्षणं आढळल्याने भाजपचे राष्ट्रीय प्रवक्ते संबित पात्रा रुग्णालयात दाखल

नवी दिल्ली, २८ मे: भारतीय जनता पक्षाचे राष्ट्रीय प्रवक्ता संबित पात्रा यांना रुग्णालयात दाखल करण्यात आले आहे. पात्रा यांच्या शरीरात कोविड १९ ची लक्षणे दिसल्यानेच त्यांना रुग्णालयात भरती करण्यात आल्याचे वृत्त आहे. पात्रा हे भाजपा प्रवक्त्यांच्या प्रमुख चेहऱ्यांपैकी एक असून ते सातत्याने न्यूज चॅनेवरील चर्चासत्रात पक्षाची बाजू मांडत असतात.

गुडगावमधील मेदांता रुग्णालयात पात्रा यांच्यावर उपचार सुरु असल्याची माहिती सुत्रांनी दिली. करोनाची लक्षणं दिसून आल्यानंतर हा निर्णय घेण्याच आल्याची माहिती सुत्रांनी दिल आहे. इंडियन एक्सप्रेसने यासंदर्भातलं वृत्त दिलं आहे.

वृत्तवाहिन्यांमधील चर्चासत्रातून आणि आपल्या ट्विटर अकाऊंटवरुन सातत्याने भाजपाची बाजू मांडणारे व काँग्रेसविरोधी भूमिका घेणारे संबित पात्रा रुग्णालयात भरती झाले आहेत. पात्रा यांनी एक तासापूर्वीच भाजपा नेते भुपेंद्र यादव यांच्या पत्रकार परिषदेचं ट्विट रिट्विट केलं आहे. तर, आज सकाळपासूनचे ते ट्विटरवर ऍक्टिव्ह दिसत आहेत. स्वातंत्र्यावीर सावरकर यांच्या जयंतीदिनी अभिवादनही आपल्या ट्विटर अकाऊंटरुन त्यांनी केले आहे. संबित पात्रा यांना रुग्णालयात भरती केले असून त्यांची कोरोना चाचणी घेण्यात येणार असल्याचे समजते. सध्या, ते रुग्णालयात उपचार घेत आहेत.

News English Summary: Bharatiya Janata Party national spokesperson Sambit Patra has been admitted to hospital. Patra was admitted to the hospital with symptoms of Covid 19.

News English Title: BJP Spokesperson Sambit Patra Hospitalized After Covid 19 Symptoms News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.