चांगलं काम करणारे भाजपामध्येच असतात याचा आम्हाला आनंद....सेनेचा आभारी

मुंबई, ८ जून: शिवसेनेचे मुखपत्र असलेल्या ‘सामना’तून अभिनेता सोनू सूदवर करण्यात आलेल्या टीकेनंतर महाराष्ट्रातील राजकीय वातावरण तापले आहे. विरोधी पक्ष नेते देवेंद्र फडणवीस यांनी सोमवारी यावरुन शिवसेनेला खोचक टोला लगावला. शिवसेनेला ठाम विश्वास आहे की, सोनू सूद हे भाजपचे आहेत. या गोष्टीचा मला आनंदच वाटला. कारण, चांगले काम करणारी लोकं भाजपमध्येच असतात, अशी टिप्पणी देवेंद्र फडणवीस यांनी केली.

“कोणीही चांगलं काम केलं तर त्या कामाचं कौतुक झालं पाहिजे. सोनू सूद यांनी चांगलं काम केल्याबरोबर ते भाजपाचे आहेत, असं सांगितलं गेलं. शिवसेनेचा ठाम विश्वास दिसतो की चांगलं काम करणारे हे भाजपामध्येच आहेत. आम्हाला याचा आनंद आहे आणि त्यांचा आभारी आहे. पण सोनू सूद यांच्यावर कोणताही अन्याय होऊ नये म्हणून सांगतो, त्यांनी स्वतःच्या हिंमतीवर एक चांगलं समजाकार्य केलं आहे. त्या कामाचं कौतुक झालं पाहिजे,” असं देवेंद्र फडणवीस यांनी सांगितलं.

मात्र, कोणीही चांगलं काम केलं तर त्याचं कौतुक झालंच पाहिजे. सोनू सूद यांच्यावर अन्याय होऊ नये म्हणून सांगतो की, सूद यांनी स्वत:च्या हिंमतीवर काम केले आहे. आम्ही जलयुक्त शिवारचे काम करायचो तेव्हा ‘नाम’ संस्था आणि आमीर खान हे पण काम करायचे. तेव्हा आम्ही हेवादावा केला नाही. उलट त्यांना अधिक मदत कशी करता येईल हे बघितले. कारण ते सरकारच्या कामात मदत करत होते. त्यामुळे सोनू सूद यांच्या कामाचे स्वागत झाले पाहिजे, असे फडणवीस यांनी म्हटले.

News English Summary: If anyone does a good job, that work should be appreciated. It was said that Sonu Sood has done a good job and he belongs to BJP. Shiv Sena seems to have a firm belief that those who are doing a good job are in BJP. We are happy for this and thank them.

News English Title: Corona virus Lockdown Bjp Devendra Fadanvis On Shivsena Sonu Sood News Latest Updates.