FIR मध्ये इंडिया टुडेचा उल्लेख | आरोपींनी विशेषत: Republic TV वाहिनीचं नाव घेतलं

मुंबई, ९ ऑक्टोबर : अधिकाधिक जाहिराती पदरी पाडून घेण्यासाठी कृत्रिमरीत्या ‘टीआरपी’(टेलिव्हीजन रेटिंग पॉइंट) वाढवणाऱ्या वाहिन्यांचं बिंग फोडल्याचा दावा गुरुवारी मुंबई पोलीस आयुक्त परमबीर सिंग यांनी केला. हा आर्थिक घोटाळा असून त्यात ‘रिपब्लिक’ या वृत्तवाहिनीसह ‘फक्त मराठी’, ‘बॉक्स सिनेमा’ आदी वाहिन्यांचा सहभाग पुढे आल्याचंही त्यांनी स्पष्ट केलं होतं.

त्यानंतर समोर आलेल्या एफआयआरमध्ये मात्र रिपब्लिक या वाहिनीऐवजी इंडिया टुडेचं नाव असल्याचं दिसलं होतं. त्यानंतर या घोटाळ्यात या दोन्ही वाहिन्यांपैकी कोणाचं नाव आहे असा सवाल विचारला जात होता. दरम्यान, यावर मुंबई पोलीस सहआयुक्त मिलिंद भारांबे यांनी स्पष्टीकरण दिलं आहे. “एफआयआरमध्ये इंडिया टुडेचं नाव होतं. परंतु आरोपी किंवा कोणत्याही साक्षीदारानं याची पुष्टी केली नाही,” असं भारांबे म्हणाले.

“एफआयआरमध्ये इंडिया टुडेच्या नावाचा उल्लेख करण्यात आला होता. परंतु कोणत्याही आरोपीनं अथवा साक्षीदारानं याची पुष्टी केली नाही. याव्यतिरिक्त आरोपींनी विशेषत: रिपब्लिक टीव्ही, फक्त मराठी आणि बॉक्स सिनेमा या वाहिन्यांची नावं घेतली. या प्रकरणी तपास सुरू आहे,” असं भारांबे म्हणाले.

तर दुसरीकडे पोलीस आयुक्त परमबीर सिंग यांनी रिपब्लिक टीव्हीचं नाव घेतल्यानंतर अर्णब गोस्वामी यांनीदेखील प्रतिक्रिया दिली होती. “सुशांतसिंह राजपूतप्रकरणी मुंबई पोलिसांनी केलेल्या संशयास्पद तपासाबाबत अनेक प्रश्न उपस्थित केल्याने पोलीस आयुक्त परमबीर सिंग रिपब्लिक वाहिनीविरोधात बिनबुडाचे आरोप करत आहेत. बीएआरसीने एकाही तक्रारीत रिपब्लिक वाहिनीचा उल्लेख केलेला नाही. त्यामुळे आयुक्त सिंग यांचेच पितळ उघडे पडले. या कृतीबद्दल रिपब्लिक टीव्ही वाहिनी सिंग यांच्याविरोधात अब्रुनुकसानीचा दावा दाखल करेल.” असं अर्णब गोस्वामी म्हणाले.

Fake TRP | इंडिया टुडे आणि Republic TV वृत्त वाहिन्यांचे एकमेकांवर आरोप pic.twitter.com/qO2ysoh9Wo

— महाराष्ट्रनामा न्यूज (@MahaNewsConnect) October 9, 2020

News English Summary: The Mumbai Police on Thursday claimed that its Crime Branch has busted a Television Rating Points (TRP) manipulation racket. Owners of two TV channels, Fast Marathi and Box Cinema, were arrested for TRP fraud and the owner of the third channel, Republic TV, was yet to be summoned. Mumbai Police Commissioner Param Bir Singh told reporters at a press conference that news anchor Arnab Goswami, the promoter of Republic TV, will soon be questioned in the case of TRP fraud. The ratings of Republic Media’s Republic Bharat had shot up exponentially raising suspicions of a foul play.

News English Title: India Today Or Republic Whose Name Is Mentioned In Fir Mumbai Police Clarifies Parambir Singh Arnab Goswamy Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.