बातम्या फ्लॅश

IPO GMP | आला रे आला IPO आला! पहिल्याच दिवशी लॉटरी लागेल, गुंतवणुकीची संधी सोडू नका PSU Stocks | मल्टिबॅगर PSU शेअर मालामाल करणार, अल्पावधीत मिळेल मजबूत परतावा, खरेदीला गर्दी Adani Power Share Price | अदानी पॉवर शेअर 'पॉवर' दाखवणार! कंपनीबाबत अपडेट, स्टॉक प्राईस सुसाट वाढणार Ashok Leyland Share Price | अशोक लेलँड सहित हे 3 शेअर्स मालामाल करणार, तज्ज्ञांकडून टार्गेट प्राईस जाहीर BHEL Share Price | भरवशाचा PSU शेअर! अल्पावधित दिला 258% परतावा, कंपनीबाबत अजून एक सकारात्मक अपडेट Suzlon Share Price | सुझलॉन कंपनीचा मोठा निर्णय, 1 वर्षात 414% परतावा देणारा स्टॉक कोसळणार की तेजीत येणार? Tata Technologies Share Price | टाटा टेक्नॉलॉजी शेअर पुढे किती फायद्याचा ठरणार? तेजीत येणार? Buy करावा की Sell?

Marathi News » International » नेपाळच्या संसदेत वादग्रस्त नकाशा मंजूर, उत्तराखंडमधील तीन भूभागांवर दावा

नेपाळच्या संसदेत वादग्रस्त नकाशा मंजूर, उत्तराखंडमधील तीन भूभागांवर दावा

महाराष्ट्रनामा.कॉम | Updated: 4 वर्षांपूर्वी | By महाराष्ट्रनामा न्यूज नेटवर्क

Nepal upper house, New map, Kalapani, Limpiyadhura and Lipulekh

नवी दिल्ली, १८ जून: भारत-चीन सीमेवर प्रचंड मोठा तणाव असताना आज नेपाळच्या वरिष्ठ सभागृहात नव्या नकाशाला मंजुरी देण्यासंदर्भातील विधेयकावर मतदान होणार आहे. नेपाळने उत्तराखंडमधील कालापानी, लिंपियाधुरा आणि लिपुलेख या भारतीय प्रदेशांवर दावा केला आहे. त्यासाठी नेपाळने आपल्या नकाशामध्ये सुद्धा दुरुस्ती केली आहे.

नेपाळने प्रसिद्ध केलेल्या नव्या नकाशाच्या बाजूने आज नॅशनल असेंब्लीत ५७ मते पडली. तर विरोधात कुणीही मतदान केले नाही. त्यामुळे हे विधेयक नॅशनल असेंब्लीमध्ये एकमताने पारीत झाले. मतदानादरम्यान, संसदेतील विरोधी पक्ष असलेल्या नेपाळी काँग्रेस आणि समाजवादी पार्टी-नेपाळ यांनी घटनेच्या तिसऱ्या अनुसूचित बदल करण्यासंबंधीच्या सरकारच्या विधेयकाला पाठिंबा दिला.

Nepal’s Upper House endorses the New Map Amendment Bill (Coat of Arms) proposal, unanimously; 57 votes in support and 0 votes against or abstained. pic.twitter.com/Ff1Alz4cxk

— ANI (@ANI) June 18, 2020

त्याआधी काल नेपाळचे लष्कर प्रमुख जनरल पूर्ण चंद्र थापा यांनी कालापानी जवळ चांग्रु येथे उभारण्यात आलेल्या चौकीची पाहणी केली. या पाहणी दौऱ्याच्यावेळी सशस्त्र पोलीस दलाचे शैलेंद्र खानाल जनरल थापा यांच्यासोबत होते. नेपाळ सीमेची जबाबदारी सशस्त्र पोलीस दलाकडे आहे. मानसरोवर यात्रेसाठी संरक्षण मंत्री राजनाथ सिंह यांनी आठ मे रोजी धाराचुला-लिपूलेख मार्गाचे उद्घाटन केले. त्यानंतर नेपाळ सशस्त्र पोलीस दलाची चौकी चांग्रु येथे बांधण्यात आली.

दरम्यान, नॅशनल असेंब्लीत पारित झाल्यानंतर आता हे विधेयक राष्ट्रपती विद्यादेवी भंडारी यांच्याकडे मंजुरीसाठी पाठवण्यात येईल. राष्ट्रपतींची मंजुरी मिळाल्यानंतर त्याचा घटनेत समावेश केला जाईल. तसेच राष्ट्रपतींची स्वाक्षरी झाल्यानंतर या नकाशाचा समावेश महत्त्वपूर्ण कागदपत्रांमध्ये केला जाईल.

News English Summary: Amid heightened tensions on the Indo-China border, Nepal’s upper house is set to vote today on a bill to approve a new map. Nepal claims the Indian territories of Kalapani, Limpiyadhura and Lipulekh in Uttarakhand. For this, Nepal has also amended its map.

News English Title: Nepal upper house is set to vote today on a bill to approve a new map with Kalapani, Limpiyadhura and Lipulekh in Uttarakhand News Latest Updates.