सचिन पायलट यांचं राजकीय बंडखोरीचं विमान लँडिंगच्या तयारीत
नवी दिल्ली, १३ जुलै : काल सचिन पायलट यांनी मुख्यमंत्री अशोक गेहलोत यांच्या विरोधात बंड केल्यानंतर आमदारांसमवेत दिल्लीला प्रयाण केल्यानंतर जयपूरमध्ये काँग्रेस पक्षांच्या आमदारांसाठी विधीमंडळ पक्षाची बैठक जाहीर करण्यात आली. त्यासाठी पक्षाने व्हिप जारी केला. दिल्लीत दाखल झालेल्या आणि नंतर गुरगाव येथील हॉटेलात आपल्या १५ काँग्रेस आणि ३ अपक्ष आमदारांना समवेत बसलेल्या सचिन पायलट यांच्याशी काँग्रेसमधून फुटून भाजपमध्ये गेलेल्या ज्योतिरादित्य सिंधिया यांनी ४० मिनिटे चर्चा केली. मात्र त्यानंतर सचिन पायलट यांनी भाजपात जाणार नाही, असे सांगितल्यानंतर काँग्रेस नेत्यांनी पुन्हा एकदा पायलट यांच्याशी संपर्क सुरू ठेवला. तर दुसरीकडे जयपूरमध्ये अशोक गहलोत यांनी स्वतःचे शक्तिप्रदर्शन केले आणि १०९ आमदारांचा पाठिंबा मिळविला.
कर्नाटक, मध्य प्रदेशपाठोपाठ आता राजस्थानमध्येही काँग्रेस सरकार कोसळणार अशी शक्यता निर्माण झाली होती. पण आता काँग्रेसचे नेते सचिन पायलट यांनी पुकारले बंड अखेर थंड झाल्याची चिन्ह आहे. सचिन पायलट यांनी भाजप प्रवेशाची शक्यता फेटाळून लावली आहे. तर काँग्रेसनेही १०९ आमदाराचा पाठिंबा असल्याचं जाहीर केले आहे.
सचिन पायलट यांच्यासोबत असलेल्या आमदारांची नावे राकेश पारीक, मुरारी लाल मीना, जी,आर. खटाणा, इंद्राज गुर्जर, गजेंद्र सिंह शक्तावत, हरीश मीना दीपेंद्रा सिंह शेखावत भवरलाल शर्मा, इंदिरा मीना, विजेंद्र ओला, हेमाराम चौधरी, पी. आर. मीना, रमेश मीना, विश्र्वेंद्र सिंह, रामनिवास गावडीया, मुकेश भाकर आणि सुरेश मोदी अशी आहेत. यांच्याविरोधात काँग्रेस पक्षाच्या विप मोडल्याबद्दल कारवाई होऊ शकते काँग्रेस पक्षाचे प्रवक्ते रणदीप सुरजेवाला यांनी सांगितले की, व्यक्तिगत महत्त्वाकांक्षेसाठी नेत्यांना पक्षाचा विध्वंस करू दिला जाणार नाही. त्यामुळे आता पुढे काय होणार याकडे सर्वांचे लक्ष लागले आहे. सचिन पायलट यांना जादा अधिकार देऊन पुन्हा उपमुख्यमंत्री पद दिले जाणार का? याकडे सर्वांचे लक्ष लागले आहे.
दरम्यान, राजस्थानमध्ये मुख्यमंत्री अशोक गहलोत आणि उपमुख्यमंत्री सचिन पायलट यांच्यातील वादावर काँग्रेसच्या कार्यकरिणीची बैठक पार पडली. या बैठकीत काँग्रेसचे नेते राहुल गांधी आणि प्रियांका गांधी यांनी दोन्ही नेत्यांशी संवाद साधण्याचा प्रयत्न केला. राहुल गांधी यांनी रणदीप सुरजेवाला यांच्या फोनवरुन अशोक गहलोत यांच्याशी चर्चा केली. तसंच दुसरीकडे सचिन पायलट हे सकाळपासून राहुल गांधी यांच्या संपर्कात होते. सचिन पायलट यांनी कोणताही मोठा निर्णय घेऊ नये, त्यांनी परत यावे, त्यांना सन्मानाने पक्षात स्थान दिले जाईल, असा निरोप देण्यात आला आहे. तर प्रियांका गांधी यांनीही मध्यस्थी करून दोन्ही नेत्यांशी संवाद साधला.
दरम्यान, अजय माकन यांनी, ‘काँग्रेसकडे १०९ आमदारांचा पाठिंबा आहे. आम्ही हा अहवाल सोनिया गांधी आणि राहुल गांधी यांना पाठविला आहे. गहलोत सरकार स्थिर आहे, बहुमत सिद्ध करेल आणि गहलोत यांच्या नेतृत्वावर केंद्रीय नेतृत्त्वाचा विश्वास आहे’, असं स्पष्ट केले. तसंच, बंडखोर नेत्यांशीही सहानुभूतीपूर्वक वागले पाहिजे असे निर्देश राहुल गांधींनी दिले आहे, अशी माहितीही माकन यांनी दिली.
News English Summary: Congress leaders Rahul Gandhi and Priyanka Gandhi tried to communicate with both the leaders. Rahul Gandhi had a discussion with Ashok Gehlot on Randeep Surjewala’s phone. On the other hand, Sachin Pilot has been in touch with Rahul Gandhi since morning.
News English Title: Rajasthan political crisis Sachin Pilot should return to the party congress leader Rahul Gandhi Gandhi message News Latest Updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Jai Balaji Share Price | कुबेर कृपा करतोय हा शेअर! वेळीच खरेदी करा, मागील 1 वर्षात दिला 1700 टक्के परतावा
- IREDA Share Price | PSU IREDA शेअर्स श्रीमंत करू शकतात, अवघ्या 5 महिन्यात दिला 440% परतावा, खरेदी करणार?
- Numerology Horoscope | 01 मे 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- IndiGo Share Price | एक अपडेट आली आणि इंडिगो शेअर्स तेजीत, अल्पावधीत 32% परतावा दिला, संधीचा फायदा घ्या
- 7th Pay Commission | सरकारी कर्मचाऱ्यांची चिंता वाढणार? महागाई भत्त्याबाबत गुंतागुंत वाढतेय, नुकसान होणार?
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Numerology Horoscope | 30 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- DCB Bank Share Price | फायद्याचा बँकिंग शेअर! तज्ज्ञांनी दिली 'BUY' रेटिंग, अल्पावधीत मिळेल 30 टक्के परतावा
- Stocks To Buy | गुंतवणुकीसाठी हे टॉप 5 शेअर्स सेव्ह करा, झटपट 22 टक्केपर्यंत परतावा मिळेल