सुशांत प्रकरणाचा वापर महाराष्ट्र व बिहार दरम्यान वाद निर्माण करण्यासासाठी करू नका - उद्धव ठाकरे

मुंबई, १ जुलै : छोट्या पडद्यापासून बॉलिवूडपर्यंत यशस्वी प्रवास करणारा सुशांत सिंह राजपूतच्या आत्महत्येने सर्वांनाच धक्का बसला. सुशांतच्या आत्महत्ये मागचं नेमकं कारण अद्याप समोर आलेलं नाही. तर काहींनी सुशांतची हत्या केल्याचं म्हणत चौकशीची मागणी केली आहे. आत्महत्येप्रकरणी पोलीस तपास करत आहेत. आतापर्यंत अनेकांचा जबाब नोंदवला गेला आहे. याच दरम्यान सुशांतच्या आत्महत्येप्रकरणी मुख्यमंत्री उद्धव ठाकरे यांनी प्रतिक्रिया दिली आहे.

‘मुंबई पोलीस हे कार्यक्षम आहेत. जर कोणाकडेही कोणते पुरावे असतील तर त्यांनी ते आमच्याकडे सोपवावे. कोणीही या प्रकरणाचं राजकारण करू नये असं मुख्यमंत्र्यांनी म्हटलं आहे. “जर कोणाकडे पुरावे असतील तर त्यांनी ते पोलिसांकडे सोपवावे. आम्ही दोषींची चौकशी करून त्यांना शिक्षा करू. मात्र या प्रकरणाचा वापर महाराष्ट्र आणि बिहार या राज्यांदरम्यान वाद उत्पन्न करण्यासासाठी करू नका” असं उद्धव ठाकरे यांनी म्हटलं आहे.

Mumbai Police is not inefficient.If anyone has any evidence they can bring it to us&we will interrogate&punish the guilty. Please don’t use this case as an excuse to create friction between Maharashtra&Bihar: Maharashtra CM Uddhav Thackeray #SushantSinghRajputDeathCase (File pic) pic.twitter.com/7QQzkYubqw

— ANI (@ANI) August 1, 2020

दरम्यान, अभिनेता सुशांतसिंह राजपूतच्या आत्महत्या प्रकरणावर आत्तापर्यंत बॉलिवूडमधील घराणेशाही, काही मोठी नावं आणि त्यांच्यावर केले जाणारे आरोप यांचीच चर्चा होती. काही दिवसांपूर्वी सुशांतच्या वडिलांनी त्याची प्रेयसी रिया चक्रवर्तीवरच त्याला आत्महत्येला प्रवृत्त केल्याचा आरोप केल्यानंतर त्यावर चर्चा सुरू झाली. आणि आता सुशांतसिंह राजपूतच्या आत्महत्या प्रकरणाला एक नवंच राजकीय वळण मिळालं आहे. राज्यातल्या विरोधी पक्ष असलेल्या भाजपने सुशांत प्रकरणात सत्तेमधल्या एका तरूण मंत्र्याचा समावेश असल्याचा खळबळजनक आरोप केल्यानंतर आता खुद्द सत्तेतल्या एका वरिष्ठ मंत्र्यानेच सवाल उपस्थित केला आहे. राज्यात परिवहन मंत्री असलेले आणि शिवसेनेचे निष्ठावंत नेते अनिल परब यांनी एक गंभीर मुद्दा उपस्थित करत पोलिसांना निष्पक्ष तपास करण्याचा सल्ला दिला आहे.

ज्यांच्याकडे या प्रकरणाबद्दल माहिती आहे, त्यांनी तात्काळ ती माहिती मुंबई पोलिसांना द्यावी. माझे पोलिसांना देखील आवाहन आहे की त्यांनी या संपूर्ण प्रकरणाची निष्पक्ष चौकशी करावी’, असं अनिल परब यांनी ट्वीटमध्ये म्हटलं आहे. वरवर पाहाता त्यांनी मुंबई पोलिसांवर विश्वास दाखवला असला, तरी ‘निष्पक्ष चौकशी’ आणि ‘सुशांतच्या घरी लॉकडाऊनमध्ये पार्टी कशी झाली, त्याला कोण कोण उपस्थित होतं?’ असा उल्लेख करून त्यांनी आपलं खरं मत व्यक्त केल्याचं बोललं जात आहे.

सुशांतसिंग राजपूत आत्महत्या प्रकरणात सध्या भलतेच राजकारण होऊ लागले आहे. ज्यांच्याकडे या प्रकारणाबद्दल माहिती आहे त्यांनी तात्काळ ती माहिती @MumbaiPolice ना द्यावी. माझे पोलिसांनादेखील आवाहन आहे की त्यांनी या संपूर्ण प्रकरणाची निष्पक्ष चौकशी करावी.

— Anil Parab (@advanilparab) July 31, 2020

News English Summary: We will investigate the culprits and punish them. However, do not use this issue to create a dispute between Maharashtra and Bihar, “said CM Uddhav Thackeray.

News English Title: Sushant Singh Rajput Suicide dont use Sushant Singh Rajput case as tool to friction between Maharashtra Bihar said uddhav thackeray News Latest Updates.