कात्रजमधील परिस्थितीला पालिका जबाबदार – सुप्रिया सुळे

पुणे, १५ ऑक्टोबर : पुण्यात रात्रीपासून तुफान पाऊस पडत आहे. यामुळे अनेक ठिकाणी पूरस्थिती निर्माण झाली आहे. अनेकांचा घरात पाणी शिरले आहे. तर कात्रज येथील परिस्थिती अत्यंत बिकट झाली आहे. मुसळधार पावसामुळे येथील स्थिती अत्यंत वाईट झाली आहे. कात्रज परिसराला आज खासदार सुप्रिया सुळे यांनी भेट दिली आणि पाहणी केली. कात्रजमधील परिस्थितीला पालिका जबाबदार आहे, असे थेट आरोप खासदार सुप्रिया सुळे यांनी केला आहे.

कात्रज परिसरातील विश्वकर्मा नगर येथे पूर परिस्थितीची पाहणी केल्यानंतर पत्रकारांशी खासदार सुप्रिया सुळे यांनी संवाद साधला. त्यावेळी माजी महापौर दत्तात्रय धनकवडे, माजी स्थायी समिती अध्यक्ष विशाल तांबे आदी नगरसेवक, पदाधिकारी उपस्थित होते.

यावेळी खासदार सुप्रिया सुळे म्हणाल्या की, “पुणे शहरात दोन वर्षांपूर्वी अतिवृष्टीमुळे कात्रज येथील संरक्षक भिंत कोसळली होती. यामुळे नागरिकांचे मोठ्या प्रमाणावर नुकसान झाले होते. त्यावर उपयोजना करण्यासाठी महापौर, महापालिकेच्या अधिकाऱ्यांकडे संरक्षक भिंत बांधण्याची मागणी राष्ट्रवादी काँग्रेस पक्षाच्या नगरसेवकांनी सभागृहात वेळोवेळी मांडली.” मात्र राष्ट्रवादी काँग्रेसच्या मागणीकडे महापालिकेत सत्ताधारी भाजपाने नेहमी दुर्लक्ष केलं अशी टीका सुप्रिया सुळे यांनी केली.

News English Summary: It has been raining in Pune since last night. This has led to backlog in many places. Many have had their homes flooded. The situation in Katraj is very bad. The situation has deteriorated due to torrential rains. MP Supriya Sule visited and inspected the Katraj area today. MP Supriya Sule has directly accused the corporation of being responsible for the situation in Katraj.

News English Title: NCP MP Supriya Sule Said BJP is responsible For Damage Cause By Rain In Pune City News updates.