सँडलवूड ड्रग्ज प्रकरण | विवेक ओबेरॉयच्या घरी पोलिसांकडून सर्च ऑपरेशन

मुंबई, १५ ऑक्टोबर : ड्रग्ज प्रकरणात आता अभिनेता विवेक ओबेरॉयच्या घरावरही धाड टाकण्यात आली आहे. सँडलवूड ड्रग्ज प्रकरणात (sandalwood drug scandal) विवेकचा मेहुणा आदित्य अल्वाचं (Aditya Alva) नाव आहे. तो सध्या गायब असल्याने आता त्याच्या तपासासाठी बंगलुरू पोलीस मुंबईत आले आहेत आणि त्यांनी विवेक ओबेरॉयच्या घरात तपास सुरू केला आहे.

विवेक ओबेरॉयच्या बायकोचा भाऊ आदित्य अल्वा हा बंगळुरू ड्रग्ज प्रकरणात आरोपी आहे. आदित्य हा कर्नाटकचे माजी मंत्री जीवराज अल्वा यांचा मुलगा आहे. हाय प्रोफाइल पार्टीमधील तो एक लोकप्रिय चेहरा आहे. प्रकरण उघडकीस आल्यापासून आदित्य गायब आहे. त्याच्याविरोधात लूक आऊट नोटीसही जारी करण्यात आली आहे. तो विवेकच्या घरात असल्याची माहिती बंगळुरू पोलिसांना मिळाली. त्यामुळे बंगळुरू पोलीस मुंबईत आले.

काय आहे प्रकरण?
कन्नड फिल्म इंडस्ट्रीत होणारे अमली पदार्थांचे सेवन आणि देवाण-घेवाण याविषयीच्या प्रकरणाची चौकशी करणाऱ्या सेंट्रल क्राइम ब्रांचने (सीसीबी) एका व्यक्तीला चित्रपट सृष्टीतील व्यक्तींना ड्रग्ज पुरवल्याच्या आरोपाखाली अटक केली होती. या प्रकरणात कन्नड चित्रपटसृष्टीतील काही नावं समोर आली. सुरुवातीला अभिनेत्री रागिनी द्विवेदीचा मित्र रवीशंकरला अटक करण्यात आली. रवीशंकरने चौकशीदरम्यान रागिनीचं नाव घेतलं. त्यानंतर रागिनीच्याही घरी छापे टाकत तिला अटक करण्यात आली. आता या प्रकरणात आणखी नावं समोर आली आहेत.

News English Summary: Actor Vivek Oberoi’s home in Mumbai was searched by the Bengaluru police today in connection with a drugs case allegedly involving his brother-in-law Aditya Alva. “Aditya Alva is absconding. Vivek Oberoi is his relative and we got some information that Alva is there. So we wanted to check. So a court warrant was obtained and Crime Branch team has gone to his house in Mumbai,” said Sandeep Patil, Joint Commissioner, Bengaluru police.

News English Title: Vivek Oberoi Mumbai House Searched By Police As They Look For His Brother In Law Aditya Alva News updates.