कोरोना लसचा डोस घेतलेल्या हरयाणाच्या मंत्र्यांना कोरोनाची लागण

चंदीगड, ५ डिसेंबर : कोरोनाची लस घेणाऱ्या भारतीय जनता पक्षाच्या मंत्र्याचा रिपोर्ट पॉझिटिव्ह आल्यानं मोठी खळबळ उडाली आहे. हरियाणाचे आरोग्यमंत्री अनिल वीज यांनी आपला कोरोना रिपोर्ट पॉझिटिव्ह आल्याची माहिती स्वत: ट्वीट करून दिली आहे. माझा कोरोना टेस्टचा रिपोर्ट पॉझिटिव्ह आला असून माझ्या संपर्कात आलेल्या नागरिकांनी कोरोना टेस्ट करून घ्यावी असं आवाहन देखील आरोग्य मंत्र्यांनी केलं आहे. हरियाणाचे आरोग्य मंत्री अनिल वीज यांच्यावर सध्या सरकारी रुग्णालयात अंबाला कॅन्ट इथे उपचारासाठी दाखल करण्यात आलं आहे.

अनिल वीज कोविड पॉझिटिव्ह आढळणं हा समाज माध्यमांवरील चर्चेचा विषय ठरलाय. याचं कारण म्हणजे, कोव्हॅक्सिन ही भारत बायोटेकची लस चाचणीच्या तिसऱ्या टप्प्यात आहे. ‘कोव्हॅक्सीन’ लस घेऊन देखील मंत्री अनिल वीज कोरोनाची लागण झाल्याने लशीच्या परिणामकारकतेवर पुन्हा एकदा प्रश्नचिन्ह उपस्थित करण्यास सुरुवात झाली आहे.

I have been tested Corona positive. I am admitted in Civil Hospital Ambala Cantt. All those who have come in close contact to me are advised to get themselves tested for corona.

— ANIL VIJ MINISTER HARYANA (@anilvijminister) December 5, 2020

दरम्यान, दुसरा डोस २८ दिवसांनंतर देणार असल्याचं सांगितलं गेलं होतं. पण त्याआधीच अनिल विज हे कोरोना पॉझिटीव्ह असल्याचं समोर आलं आहे. आयसीएमआरच्या संयुक्त विद्यमाने भारत बायोटेक कंपनीकडून कोरोनावर मात करणाऱ्या ‘कोवॅक्सीन’ या लशीची निर्मिती केली जात आहे.

News English Summary: The report of the BJP minister who took the corona vaccine has come out positive. Haryana Health Minister Anil Vij has tweeted that his Corona report was positive. The report of my corona test has come positive and the health minister has also appealed to the citizens who come in contact with me to take the corona test. Haryana Health Minister Anil Vij has been admitted to a government hospital in Ambala Cantt for treatment.

News English Title: Haryana Health Minister Anil Vij Corona Positive even after taking Covaxin news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.